जळगाव, 19 एप्रिल : जळगावातील मध्यवर्ती भागात स्पा सेंटरच्या आड वेश्या व्यवसाय केला जात असल्याची माहिती पोलिसांना मिळाल्यानंतर मसाज पार्लरवर धाड टाकत चार पीडित महिलांची सुटका करण्यात आलीय. याप्रकरणी स्पा सेंटरचा मॅनेजर आरोपी राजु माधुजी जाट (रा. कलोधिया जि. भिलवाडा, राजस्थान) तसेच मालक विक्रम राजपाल चंदमारी ढानी (वय 20 वर्ष, चत्तरगढ पत्ती जि.सिरसा हरीयाणा) यांच्याविरोधात गुन्हा दाखल करण्यात आला आहे. यापैकी राजु जाट यास अटक करण्यात आली आहे. जळगाव शहर पोलिसांनी ही कारवाई केली आहे.
नेमकं प्रकरण काय? –
मिळालेल्या माहितीनुसार, जळगाव शहरातील गोविंदा रिक्षा स्टॉप जवळील नयनतारा आर्केड मॉल 3 डे स्पा सेंटर शॉप नं. 408 येथे स्पा सेंटरच्या आड वैश्याव्यवसाय सुरू होता. तसेच गिऱ्हाईकांना शरीरसंबंधासाठी स्पा मसाज करणाऱ्या महिलांच्या माध्यमातून वेश्या व्यवसाय करण्यात येत असल्याबाबतची माहिती स्थानिक गुन्हे शाखेचे वरिष्ठ पोलीस निरीक्षक बबन आव्हाड यांना मिळाली होती.
स्पा सेंटरच्या नावाखाली वेश्याव्यवसाय –
सदर मसाज पार्लर हे जळगाव शहर पोलीस ठाणे हद्दीत असल्याने, बबन आव्हाड यांनी जळगाव शहर पोलीस स्टेशनचे पोलीस निरीक्षक अनिल भवारी यांना याबाबत माहिती दिली. तसेच जळगाव शहर पोलिसांच्या मदतीने स्पा मसाज पार्लरवर बनावट ग्राहक पाठविण्यात आले होते. सदर बनावट ग्राहकास सदर स्पा सेंटरचा मॅनेजर राजु माधुजी जाट याने बनावट ग्राहकास स्पा मसाज व्यतीरिक्त इतर सेवा देण्याची आमिष दिल्याने सदर स्पा सेंटरवर छापा टाकण्यात आला.
4 पीडित महिलांची सुटका –
सदर स्पा सेंटरचा मॅनेजर हा तिथे असलेल्या 4 महिलांकरवी स्पा मसाज सेंटरच्या आड देहविक्रीचा व्यवसाय करीत होत्या. त्यास त्याचा मालक विक्रम राजपाल चंदमारी ढानी (वय 20 वर्ष, चत्तरगढ पत्ती जि.सिरसा हरीयाणा) हा प्रोत्साहन देत होता. म्हणून त्या दोघांविरोधात पिटा अॅक्ट प्रमाणे जळगाव शहर पोलीस ठाण्यात गुन्हा दाखल करण्यात आला असुन 4 पिडीत महिलांची सुटका करुन त्यांना आशादिप निराधार महिला वस्तीगृह जळगाव येथे दाखल करण्यात आलेले आहे.
यांनी केली कारवाई –
सदरची कारवाई हि पोलीस अधिक्षक डॉ महेश्वर रेडडी, अपर पोलीस अधिक्षक अशोक नखाते, उपविभागीय पोलीस अधिकारी,जळगाव उपविभाग संदिप गावीत यांच्या मार्गदर्शनाखाली वरिष्ठ पोलीस निरीक्षक बबन आव्हाड स्थानिक गुन्हे शाखा जळगाव, पोलीस निरिक्षक अनिल भवारी, सहा. पोलीस निरिक्षक शितलकुमार नाईक, पोउपनिरिक्षक शरद बागल, पोलीस उपनि महेश घायतड, सहा. फौजदार विजयसिंह पाटील, अतुल वंजारी, सुनिल पाटील, पोहवा/अक्रम शेख, विजय पाटील, योगेश पाटील महिला श्रे. पोउपनि वैशाली महाजन, मपोहवा प्रियंका कोळी, मंगला तायडे, चालक दिपक चौधरी अशांनी केली आहे.
हेही वाचा : अखेर, चोपड्यात चोरीच्या प्रकरणात सापडलेल्या फौजदारावर निलंबनाची कारवाई, जालन्याचे एसपी काय म्हणाले?
