जुवार्डी (भडगाव), 7 जानेवारी : भडगाव तालुक्यातील जुवार्डी गावातून धक्कादायक घटना समोर आली आहे. नातवांच्या प्रेमापोटी व मुलाच्या विस्कटलेल्या संसाराची घडी पुन्हा बसविण्यासाठी प्रयत्न करणाऱ्या बापास मुलाच्या सासरच्या मंडळींनी सतत अपमानित केले. या त्रासाला कंटाळून अखेरी मुलाच्या बापाने आत्महत्या केल्याची धक्कादायक 2 जानेवारी (मंगळवार) घटना घडली. याबाबत त्यांनी आत्महत्येपूर्वी लिहिलेल्या चिठ्ठित तसा उल्लेख केला आहे. भीमराव मालजी पाटील (73, रा. जुवार्डी) असे या आत्महत्या केलेल्या वृद्धाचे नाव आहे. . विशेष म्हणजे पोलिस दलात त्यांचा मुलगा योगेश पाटील है फौजदार आहेत
काय संपूर्ण घटना –
पोलिसांनी दिलेल्या माहितीनुसार, पोलिस जुवार्डीतील घटनास्थळी दाखल झाले. त्यावेळी मयत भीमराव पाटील यांच्या खिशात त्यांच्या हस्ताक्षरात लिहिलेल्या दोन चिठ्ठ्या सापडल्या. त्यामध्ये मयत भीमराव पाटील यांनी नमूद केले आहे की, जुवार्डीतील गोटू पाटील, संगीताल पाटील यांना भेटलो व माझ्या मुलाचा संसार मोडू नका, अशा विनवण्या केल्या. परंतु त्यांनी मला धक्के मारून बाहेर काढले. अपमानित झाल्याने वडिलांनी असा टोकाचा निर्णय घेतला असल्याची तक्रार मुलगा योगेश पाटील यांनी पोलिसांत 3 रोजी दिली आहे.
पाच जणांविरूद्ध गुन्हा दाखल –
योगेश पाटील यांनी तक्रारीत म्हटल्यानुसार, पत्नी छाया पाटील, सासरे गोटू पाटील, सासू संगीत पाटील, शालक किरणकुमार पाटील, शशिकांत पाटील यांनी वेळोवेळी आपल्या वडिलांना कंटाळून वडील भीमराव पाटील यांनी विष प्राशन केले. दरम्यान, याप्रकरणी सुनेसह पाच जणांविरूद्ध गुन्हा दाखल करण्यात आला आहे. यातील शशिकांत पाटील (23) यास अटक करण्यात आली आहे तर इतर चार जण फरार आहेत. दरम्यान, याप्रकरणाचा तपास सपोनि चंद्रसेन पालकर हे करीत आहेत.
