जळगाव, 11 सप्टेंबर : गेल्या अनेक दिवसांपासून चर्चेत असलेला मुख्यमंत्री एकनाथ शिंदे यांचा जळगाव जिल्हा दौरा निश्चित झाला असून ते उद्या मंगळवारी पाचोऱ्यात ‘शासन आपल्या दारी’ या कार्यक्रमासाठी येणार आहेत. मुख्यमंत्री शिंदे यांच्या हस्ते या दौऱ्यात विविध कामांचे उद्घाटन व भुमिपूजन होणार आहे. दरम्यान मुख्यमंत्री एकनाथ शिंदे यांच्या पाचोरा दौऱ्याच्या निमित्ताने उद्या पाचोरा मार्ग जाणारी वाहतूक पर्यायी मार्गाने वळविण्यात आले आहे.
मुख्यमंत्री एकनाथ शिंदे यांच्या उपस्थ‍ितीत पाचोरा येथे शासन आपल्या दारी कार्यक्रम होणार आहे. पाचोरा येथून जळगांव – चाळीसगांव चांदवड हा राज्य मार्ग गेला आहे. उद्या जळगांव येथून पाचोरा मार्गे चाळीसगांव कडे जाणारे अवजड वाहने पर्यायी मार्गावरुन वळविण्यात येणार असल्याचे आदेश पोलीस अधीक्षक एम राजकुमार यांनी काढले आहेत.
वाहतूक झाले असे बदल –
जळगांव येथून पाचोरा मार्गे चाळीसगांवकडे जाणारे अवजड वाहनांकरिता 12 सप्टेंबर रोजी सकाळी 6 वाजल्यापासून रात्री 8 वाजता पर्यंत पर्यायी वाहतूक मार्ग वळविण्यात आला आहे.
जळगांव येथून पाचोरा मार्ग चाळीसगांवकडे जाणारे अवजड वाहने हे पाचोरा मागे न जाता जळगांव –एरंडोल- कासोदा- भडगाव मार्ग चाळीसगांवकडे जातील. चाळीसगांव येथून पाचोरा मार्ग जळगावकडे जाणारी अवजड वाहने हे चाळीसगांव- भडगांव- कासोदा एरंडोल मागे जळगांवकडे जातील.
