ईसा तडवी, प्रतिनिधी
पाचोरा, 6 डिसेंबर : भारतरत्न तथा भारतीय राज्यघटनेचे शिल्पकार महामानव डॉ. बाबासाहेब आंबेडकर यांच्या महापरिनिर्वाण दिनानिमित्त शिवसेना उद्धव बाळासाहेब ठाकरे पक्षाच्या नेत्या वैशाली सुर्यवंशी यांच्या हस्ते डॉ. बाबासाहेब आंबेडकरांच्या पुतळ्याला पुष्पमाला अर्पण करण्यात आली. तसेच वैशाली सुर्यवंशी यांनी महापरिनिर्वाण दिनानिमित्त बाबासाहेब आंबेडकरांना अभिवादन केले.
डॉ.बाबासाहेब आंबेडकर परिवर्तन युवा फाऊंडेशनच्यावतीने महापरिनिर्वाण दिनानिमित्त पाचोऱ्यात आयोजित करण्यात आलेल्या रक्तदान शिबीरास वैशाली सुर्यवंशी यांनी भेट दिली. यावेळी ठाकरे गटाचे उपजिल्हाप्रमुख उद्धव मराठे, शहर प्रमुख पाचोरा अनिल सावंत, जेष्ठ नेते पप्पू राजपूत, शहर संघटक राजेंद्र राणा, युवासेना शहर अधिकारी मनोज चौधरी, राहुल सोनवणे, राहुल चौधरी, किशोर डोंगरे, अरुण ब्राह्मणे, वैशाली बोरकर, सह पक्षाचे पदाधिकारी व कार्यकर्ते उपस्थित होते.
रक्तदान शिबाराचे आयोजन –
डॉ. बाबासाहेब आंबेडकर यांच्या 67 व्या महापरिनिर्वाण दिनानिमित्त डॉ. बाबासाहेब आंबेडकर परीवर्तन युवा फाऊंडेशन पाचोरा व रेड प्लस बँक जळगाव,आयोजित भव्य रक्तदान शिबिर घेण्यात आले. शिबिराची सुरूवात डॉ बाबासाहेब आंबेडकर यांना अभिवादन करण्यात आले. यावेळी सर्वपक्षीय राजकीय नेत्यांनी शिबिराला उपस्थिती लावली. यावेळी अनेक रक्तदात्यांनी रक्तदान करत महामानवाला आदरांजली वाहिली. सदर कार्यक्रम यशस्वी करण्यासाठी डॉ. बाबासाहेब आंबेडकर परीवर्तन युवा फाऊंडेशन व रेड प्लस बँक जळगाव यांनी विशेष मेहनत घेतली. व कार्यक्रमाची सांगता बुध्द वंदना घेऊन करण्यात आली.
