जळगाव, 27 जून : मुख्यमंत्री एकनाथ शिंदे हे आज मंगळवारी 27 जून रोजी जळगाव जिल्ह्याच्या दौऱ्यावर येत आहे. यासोबतच उपमुख्यमंत्री देवेंद्र फडणवीस हेसुद्धा आज जळगाव जिल्ह्याच्या दौऱ्यावर येत आहेत. शासन आपल्या दारी या कार्यक्रमाच्या निमित्ताने मुख्यमंत्री आणि उपमुख्यमंत्री हे आज जळगाव जिल्ह्याच्या दौऱ्यावर येत आहेत.
असा असेल मुख्यमंत्र्यांचा दौरा –
मंगळवार दिनांक 27 जून 2023
- दुपारी 2.50 वाजता – शासकीय विमानाने मुंबई येथून जळगाव विमानतळ येथे आगमन व मोटारीने पोलीस कवायत मैदान, जळगावकडे प्रयाण
- दुपारी 3.00 वाजता – शासन आपल्या दारी कार्यक्रमास उपस्थिती (स्थळ – पोलीस कवायत मैदान, जळगाव)
- दुपारी 5.00 वाजता – मोटारीने जळगाव विमानतळाकडे प्रयाण
- दुपारी 5.10 वाजता – जळगाव विमानतळ येथे आगमन व शासकीय विमानाने मुंबईकडे प्रयाण
आज मंगळवारी दिनांक 27 जून रोजी जळगाव शहरातील पोलीस कवायत मैदान मैदानावर दुपारी 3 वाजेच्या सुमारास शासन आपल्या दारी हा कार्यक्रम आयोजित केला जात आहे. या कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस उपस्थित राहणार आहेत. तसेच या कार्यक्रमाला पाणी पुरवठामंत्री गुलाबराव पाटील, ग्रामविकास मंत्री गिरीश महाजन हेदेखील उपस्थित राहणार आहेत. शासन आपल्या दारी उपक्रमांतर्गत सर्व विभागांच्या मार्फत एकूण 25 स्टॉलची शासकीय योजनांची माहिती व सेवांचा लाभ देण्यासाठी व्यवस्था करण्यात आली आहे.
हेही वाचा – Big News : मुख्यमंत्री एकनाथ शिंदे उद्या जळगावात, असा आहे संपूर्ण दौऱ्याचा कार्यक्रम
जिल्हाधिकाऱ्यांनी केले आवाहन –
मुख्यंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत शासन आपल्या दारी कार्यक्रम दुपारी 3 वाजेच्या सुमारास पोलीस कवायत मैदान येथे होणार आहे. तरी या कार्यक्रमाला जास्तीत जास्त लोकांनी उपस्थित राहून शासकीय योजनांचा लाभ घ्यावा, असे आवाहन, जळगाव जिल्ह्याचे जिल्हाधिकारी अमन मित्तल यांनी केले आहे.
