सुनिल माळी, प्रतिनिधी
पारोळा, 3 मार्च : जळगाव जिल्ह्यात दिवसेंदिवस अपघाताच्या घटना समोर येत असताान पारोळा तालुक्यातील चोरवड येथील वृद्ध ट्रॅक्टरने दिलेल्या धडकेत ठार झाला आहे. ही घटना शनिवारी सायंकाळी घडली असून साहेबराव धोंडू पाटील (वय, 75 रा. चोरवड) असे मृत वृद्धाचे नाव आहे.
काय आहे संपूर्ण बातमी? –
मिळालेल्या माहितीनुसार, चोरवड येथे सायंकाळी साडेपाच सहा वाजेच्या सुमारास साहेबराव पाटील हे बाहेर फिरायला निघाले असता चोरवड कडून येणाऱ्या ट्रॅक्टरने (MH-37-A-7177) त्यांना मागून जोरदार धडक दिली. दरम्यान, त्यांना पारोळा येथील कुटीर रूग्णालयात उपचारासाठी दाखल केल्यानंतर डॉक्टरांनी त्यांना तपासून मृत घोषित केले.
साहेबराव पाटील यांच्या पश्चात दोन मुले, मुलगी, नातवंडे असा परिवार आहे. दरम्यान, विजय भिमराव पाटील यांनी दिलेल्या फिर्यादीनुसार पारोळा पोलिसांत गुन्हा दाखल करण्यात आला आहे. पुढील तपास पोलिस उपनिरीक्षक अमर वसावे करत आहेत.
हेही वाचा : लोकसभा निवडणूक 2024, भाजपची पहिली उमेदवार यादी जाहीर, कुणाला मिळाली संधी?
