ईसा तडवी, प्रतिनिधी
पाचोरा, 29 जानेवारी : पाचोऱ्यातील गजानन जिनिंग प्रोसिंग फॅक्टरीत व सी.एम. जिनिंग& प्रोसिंग फॅक्टरी वरखेडी येथे सीसीआयमार्फत चालू असलेली कापूस खरेदी ही 16 जानेवारी 2025 पासून बंद करण्यात आलेली आहे. असे असतानाही बरीच वाहने वारंवार सूचना देऊन देखील शेतकऱ्यांनी वाहने केंद्राबाहेर रस्त्यावर उभी केलेली आहेत. त्यामुळे कापूस घेऊन आलेल्या शेतकऱ्यांनी व वाहन धारकांनी आपली कापूस वाहने केंद्रावरून नेण्याची व्यवस्था करावी, असे आवाहन पाचोरा कृषी उत्पन्न बाजार समितीने केले आहे.
दरम्यान, सदर वाहनांची कोणतीही जबाबदारी बाजार समितीची राहणार नाही. तरी होणारी गैरसोय टाळण्यासाठी कोणत्याही शेतकरी बांधवांनी आपला कापूस हा शेतीमाल विक्रीसाठी पुढील आदेश होईपर्यंत खरेदी क्रेंदावर आणू नये, असे आवाहनही बाजार समितीच्यावतीने करण्यात आलेले आहे.
नेमकी काय आहे बातमी? –
पाचोऱ्यातील गजानन जिनिंग प्रोसिंग फॅक्टरीत व सी.एम. जिनिंग& प्रोसिंग फॅक्टरी वरखेडी येथे सीसीआयमार्फत चालू असलेली कापूस खरेदी सीसीआयच्या 16 जानेवारीच्या आदेशानुसार ज्यादा कापूससाठा व खरेदी केंद्रावर असलेल सरकी विक्री न झाल्यामुळे 20 जानेवारीपासून ते पुढील आदेश होईपर्यंत कापूस खरेदी बंद करण्यात आलेली होती.
दरम्यान, सीसीआयमार्फत कापूस खरेदी बंद असतानाही केंद्राबाहेर बरीच वाहने उभी होती. त्यामुळे बाजार समितीने 20 जानेवारी रोजी पंचनामा करून उपस्थित वाहने 27 जानेवारीपर्यंत मोजमाप केलेली आहेत. व 24 जानेवारी रोजी खरेदी केंद्राबाहेर एकही नवीन वाहन उभे नव्हते. तरी देखील केंद्राबाहेर आज 29 जानेवारी रोजी बरीच वाहने वारंवार सूचना देऊन देखील शेतकऱ्यांनी वाहने केंद्राबाहेर रस्त्यावर उभी केलेली आहेत. त्यामुळे सदर रस्त्यावरील एस.टी.सेवा विस्कळीत होत आहे.
तर सीसीआयच्या वरील आदेशानुसार पुढील आदेशापर्यंत खरेदी बंद असल्यामुळे सदर वाहनांचे मोजमाप होणार नाही. त्यामुळे कापूस घेऊन आलेल्या शेतकऱ्यांनी व वाहन धारकांनी आपली कापूस वाहने केंद्रावरून नेण्याची व्यवस्था करावी. सदर वाहनांची कोणतीही जबाबदारी बाजार समितीची राहणार नाही. तरी होणारी गैरसोय टाळण्यासाठी कोणत्याही शेतकरी बांधवांनी आपला कापूस हा शेतीमाल विक्रीसाठी पुढील आदेश होईपर्यंत खरेदी क्रेंदावर आणू नये, याची नोंद घ्यावी व बाजार समितीस सहकार्य करावे, असे आवाहन पाचोरा कृषी उत्पन्न बाजार समितीने प्रसिद्धीपत्रकाद्वारे कळवले आहे.
हेही वाचा : mahakumbh news : मोठी बातमी!, प्रयागराजमधील महाकुंभात चेंगराचेंगरी, 14 जणांचा मृत्यू, आजचे अमृतस्नान रद्द
