पुणे, 1 जुलै : बारामती तालुक्यातील निंबुत गावात बैलाच्या व्यवहारातून रणजित निंबाळकर यांच्यावर गोळीबार करण्यात आला होता. दरम्यान, रणजित निंबाळकर यांच्यावर उपचार सुरू असताना त्यांचा मृत्यू झाला. त्यानंतर या गोळीबार प्रकरणातील मुख्य आरोपी गौतम काकडे याला अटक करण्यात आलीय सुंदर नावाच्या बैलाच्या व्यवहारातून काकडे आणि निंबाळकर यांच्यात वाद निर्माण झाला होता आणि त्यातून हा गोळीबार झाल्याची माहिती समोर आली.
काय आहे संपुर्ण बातमी? –
मिळालेल्या माहितीनुसार, सुंदर नावाच्या बैलाच्या व्यवहारातून झाला रणजित निंबाळंकर आणि गौतम काकडे यांच्यात वाद निर्माण झाला होता. यातून रणजित निंबाळकर यांच्यावर गोळीबार करण्यात आला. रणजित निंबाळकर यांच्यावर गोळीबार झाल्यानंतर गौतम काकडे फरार झाले. दरम्यान, गौतम काकडे यांच्या अटकेसाठी पोलीस ठाण्यासमोर आंदोलन करण्यात आले होते.
गौतम काकडेला पोलिसांनी केली अटक –
गोळीबारात जखमी झालेल्या रणजित निंबाळकर यांचा उपचारादरम्यान मृत्यू झाला. यांतर गौतम काकडे यांना अटक करा, यासाठी रणजित निंबाळकर यांच्या पत्नीने आत्मदहनाचा इशारा दिला होता. दरम्यान, गौतम काकडे यांना पोलिसांनी केली अटक केली आहे. तसेच या प्रकरणात गौरव काकडे आणि शहाजी काकडे यांना पोलिसांनी आधीच अटक केली आहे. या संदर्भात पोलिसांकडून अधिक तपास सुरू आहे.
नेमकं प्रकरण काय? –
रणजित निंबाळकर यांनी निंबुत येथील गौतम काकडे यांच्याकडून एक वर्षांपूर्वी सर्जा हा बैल 61 लाख रुपयांना विकत घेतला होता. त्यानंतर रणजित निंबाळकर यांच्याकडील सुंदर नावाचा बैल गौतम शहाजी काकडे यांनी 24 जून 2024 रोजी 37 लाख रुपयांना विकत घेतला. यावेळी गौतम काकडे यांनी विसारापोटी 5 लाख रुपये दिले होते. उर्वरित 32 लाख रुपये येणे बाकी होते. दरम्यान व्यवहार झाला, त्याच दिवशी गौतम काकडे यांनी सुंदर हा बैल खटाव तालुक्यातील बुध येथून त्यांच्या घरी निंबुतला नेला होता.
उर्वरित पैसे आणण्यासाठी गेले असताना त्यांच्यामध्ये वाद झाला आणि त्यावरून रणजित निंबाळकर यांच्यावर गोळीबार झाला. मात्र, उपचारादरम्यान पुण्यातील खाजगी रुग्णालयात त्यांचा मृत्यू झाला.
हेही वाचा : राज्याच्या पहिल्या महिला मुख्य सचिवपदाची जबाबदारी सुजाता सौनिक यांनी स्वीकारली, ‘असा’ आहे त्यांचा परिचय
