जळगाव, 25 जानेवारी : परधाडे रेल्वे स्थानकाजवळ घडलेल्या दुर्दैवी रेल्वे दुर्घटनेतील जखमींची आज गोदावरी हॉस्पिटलमध्ये भेट घेऊन पालकमंत्री गुलाबराव पाटील यांनी आस्थेवाईकपणे चौकशी केली. त्यांनी जखमींची प्रकृती विचारून त्यांच्यावर होत असलेल्या उपचाराची माहिती घेतली.
यावेळी हॉस्पिटलचे अधिष्ठाता डॉ. प्रशांत सोळंखे व वैद्यकीय तज्ज्ञ उपस्थित होते. त्यांनी जखमींच्या प्रकृतीविषयी मंत्री पाटील यांना सविस्तर माहिती दिली. मंत्री पाटील यांनी या दुर्घटनेतील सर्व जखमींना योग्य तो वैद्यकीय उपचार सुरु असल्याची खात्री करून घेतली. जखमींच्या नातेवाईकांशीही चर्चा केली. या भेटीदरम्यान मंत्री पाटील यांच्यासोबत रुग्णालय प्रशासनाचे अधिकारी, तसेच संबंधित यंत्रणेचे कर्मचारी उपस्थित होते.जिल्हा प्रशासनाकडून दुर्घटनेनंतर दाखवलेल्या तत्परतेचाही उल्लेख केला.
जळगाव रेल्वे दुर्घटना –
जळगाव जिल्ह्यातील पाचोरा ते माहिजी रेल्वे स्थानकदरम्यान परधाळे स्टेशनजवळ पुष्पक एक्स्प्रेसला आग लागण्याच्या अफवा पसरल्याने प्रवाशांनी रेल्वेतून उड्या मारल्या. जीव वाचवण्यासाठी प्रवाशांनी या उड्या मारल्या होत्या. मात्र, त्याचवेळी भुसावळकडे जाणाऱ्या कर्नाटक एक्स्प्रेसनं अनेकांना चिरडले. या भीषण अपघातात आतापर्यंत 13 प्रवाशांचा मृत्यू झाला असून इतर जखमींवर रूग्णालयात उपचार सुरू आहेत.
हेही वाचा : VIDEO : खान्देशकन्येनं छत्रपती शिवरायाचं नाव घेत केलं पंतप्रधान नरेंद्र मोदींचं कौतुक, नेमकं काय म्हणाली?
