जळगाव, 26 मे : जळगाव जिल्ह्यातील धरणगाव तालुक्यातील पिंपरी येथे शिंदेंच्या शिवसेनेच्या पदाधिकारी-कार्यकर्त्यांची आढावा बैठक पार पडली. या बैठकीत मंत्री गुलाबराव पाटील यांनी कार्यकर्त्यांना मार्गदर्शन करत पक्षसंघटनेसाठी सजग राहण्याचे आदेश दिले. यावेळी पक्षाच्या सदस्य नोंदणीवरून गुलाबराव पाटील यांनी नाराजी व्यक्त केली. तुम्ही जर असे थंड राहिले तर विरोधक तुमच्या एरियात घुसून कधी तुमचा कार्यक्रम वाजवतील हे तुम्हाला कळणारही नाही, अशा शब्दात गुलाबराव पाटील यांनी कार्यकर्त्यांना सुनावले.
मंत्री गुलाबराव पाटील काय म्हणाले? –
मंत्री गुलाबराव पाटील कार्यकर्त्यांना मार्गदर्शन करताना म्हणाले की, आपण निवडणुकीत निवडून आलो. यानंतर आता आपल्याला काही चिंता नाही, असे अनेक जण बिनदास्त झाले. मात्र, अशाने काही चालत नाही. असे जर तुम्ही थंड राहिले तर विरोधक कधी तुमच्या एरियात येऊन कधी तुमचा कार्यक्रम वाजवतील हे तुम्हाला कळणारही नाही, अशा शब्दात मंत्री गुलाबराव पाटील यांनी कार्यकर्त्यांना सुनावले.
View this post on Instagram
दरम्यान, रोज जागं राहावं लागतं. रोज जागं राहिलं तर पक्ष चालतो. रोज गावातील लोकांची कामे केली तर लोकं तुमच्या मागे राहतात. जिथे सत्ता नसते तिथे शिवसैनिक जोरात असतात, असेही गुलाबराव पाटील म्हणाले.
हेही वाचा : पुणे जिल्ह्याला पावसाने झोडपलं; राज्यात मान्सूनचा जोर वाढणार, जळगाव जिल्ह्याचा हवामान अंदाज नेमका काय?
