पुणे, 26 फेब्रुवारी : राज्यात गुन्हेगारीच्या घटनांमध्ये वाढ होत असतानाच पुण्यातून गुन्हेगारी क्षेत्रातून हादरवाणारी घटना समोर आली आहे. पतीने पत्नीला जंगलात नेत तिचा खून केला आणि स्वतः गळफास आत्महत्या केल्याची पुण्यात घटना घडली.
काय आहे संपूर्ण बातमी? –
मिळालेल्या माहितीनुसार, दोघे पती- पत्नी रविवार (25 फेब्रुवारी) रोजी दुचाकीवरून उत्तमनगरमार्गे एनडीएच्या पाठीमागील पिकॉक- बे परिसरात आले. त्या ठिकाणी त्यांनी रस्त्यालगत दुचाकी उभी करत, ते दोघे रस्त्याच्या डाव्या बाजूला असलेल्या जंगलात गेले. तिथे पतीने पत्नीच्या डोक्यात दगड घालून खून केला. तर पतीने स्वतः गळफास घेत आत्महत्या केली. सुवर्णा सोमनाथ वाघ असे हत्या झालेल्या व्यक्तीचे नाव असून सोमनाथ सखाराम वाघ असे पतीचे नाव आहे.
यानंतर दुसऱ्या दिवशी सकाळी 11 वाजून गेले तरी ते घरी परत आले नाहीत. त्यामुळे त्यांची मुलगी व पुतण्याने दोघांचा शोध घेतला. सायंकाळी त्यांची दुचाकी पिकॉक बे परिसरात दिसून आली. दरम्यान, परिसरात शोध घेतला असता आईचा मृतदेह आढळला. तर वडिलांनी झाडाला गळफास घेतल्याची दृश्य समोर आले. दरम्यान, या घटनेत पतीने पत्नीची हत्या का केली, याची माहिती समोर आलेली नाही. सदर घटनेची नोंद पोलिसात झाली असून पुढील तपास पोलिस करत आहेत.
हेही वाचा : Bhadgaon News : भडगाव तालुक्यात वादळी वाऱ्यामुळे शेतपिकांचे नुकसान
