मुंबई, 19 मे: राज्य शासनाने वरिष्ठ आयएएस अधिकारी तुकाराम मुंढे यांची तुकाराम मुंढेंची अवघ्या दीड महिन्यात पुन्हा बदली करण्यात आली आहे. सामान्य प्रशासन विभागाच्यावतीने आएएस तुकाराम मुंढे यांची अन्न व औषध प्रशासन विभागाच्या आयुक्तपदी नियुक्ती केली आहे. यासंदर्भातील आदेश आज जारी करण्यात आले आहेत.
जारी केलेल्या आदेशानुसार, तुकाराम मुंढे यांची आयुक्त, अन्न व औषध प्रशासन, मुंबई या पदावर नियुक्ती करण्यात आली असून, त्यांनी नव्या पदाचा कार्यभार तातडीने स्वीकारावा, असे निर्देश शासनाने दिले आहेत. ते श्रीधर डुबे यांच्या जागी पदभार स्वीकारणार आहेत.
अवघ्या दीड महिन्यात पुन्हा बदली –
2005 बॅचचे आयएएस अधिकारी असलेले तुकाराम मुंढे यांची दीड महिन्यांपूर्वी मंत्रालयातील आपत्ती व्यवस्थापन, मदत व पुनर्वसन तसेच महसूल आणि वन विभागाच्या प्रधान सचिवपदी नियुक्ती करण्यात आली होती. मात्र, नियमानुसार एका पदावर साधारण तीन वर्षांचा कार्यकाळ अपेक्षित असतानाही त्यांच्या अवघ्या दीड महिन्यात पुन्हा बदली करण्यात आली आहे.
आतापर्यंतच्या कारकिर्दीत तब्बल 25 वेळा बदली –
प्रशासकीय सेवेत शिस्तप्रिय, कठोर आणि नियमांनुसार काम करणारे अधिकारी अशी ओळख तुकाराम मुंढ यांनी निर्माण केली असून त्यांची अवघ्या दीड महिन्यांच्या कालावधीत पुन्हा एकदा बदली करण्यात आली आहे. विशेष म्हणजे, गेल्या 21 वर्षांच्या प्रशासकीय कारकिर्दीत त्यांची तब्बल 25 वेळा बदली झाल्याने प्रशासकीय वर्तुळात चर्चेला उधाण आले आहे.
