जळगाव, 2 जून : जळगाव जिल्ह्यात दिवसेंदिवस गुन्हेगारीच्या घटनांमध्ये वाढ होत असताना जिल्ह्याला हादरवणारी घटना मुक्ताईनगरातून समोर आलीय. सावत्र बापाने तीन वर्षीय मुलीची गळा दाबून हत्या केल्याचा धक्कादायक प्रकार उघड झाला आहे. दरम्यान, याप्रकरणी मुलीची आई आणि सावत्र बापाविरुद्ध मुक्ताईनगर पोलीस स्टेशनमध्ये खुनाचा गुन्हा दाखल करण्यात आला आहे.
काय आहे संपुर्ण प्रकरण? –
मिळालेल्या माहितीनुसार, माधुरी घेटे या महिलेला पहिल्या पतीपासून तीन वर्षाची मुलगी आणि पाच वर्षाचा मुलगा अशी दोन मुले होती. दरम्यान ह्या महिलेने आपल्या पतीला सोडत तिचा प्रियकर अजय घेटे याच्यासोबत तीन महिन्यांपूर्वी लग्न केले. असे असताना अजय घेटे याने आपल्या तीन वर्षीय सावत्र मुलीच्या डोक्यावर दांड्याने वार केला आणि यानंतर यानंतर तिचा गळा आवळून खून केला.
अन् अशी आली घटना उघडकीस –
तीन वर्षीय मुलीची हत्या केल्यानंतर तिचा मृतदेह महिलेच्या माहेरी म्हणजेच बेलसवाडी येथे घेऊन जात आजारपणामुळे मुलीचा मृत्यू झाला असल्याचा बनाव केला गेला. दरम्यान, ग्रामस्थांना यावर संशय आल्याने त्यांनी तत्काळ पोलिसांना माहिती दिली. दरम्यान, पोलिसांनी तपासाची चक्रे फिरवत मुलीचा खून केल्याचे प्रकरण उघडकीस आणले. याप्रकरणी मुलीची आई आणि सावत्र बापाविरुद्ध मुक्ताईनगर पोलीस स्टेशनमध्ये खुनाचा गुन्हा दाखल करण्यात आला आहे. पुढील तपास पोलीस करत आहेत.
हेही वाचा – पारोळा तालुक्यातील देवगाव येथे तरुणाची गळफास घेऊन आत्महत्या, काय आहे संपुर्ण बातमी?
