पुणे, 8 मे: महाराष्ट्र राज्य माध्यमिक व उच्च माध्यमिक शिक्षण मंडळ यांच्याकडून घेण्यात आलेल्या माध्यमिक शालान्त प्रमाणपत्र (इयत्ता १० वी) परीक्षेचा फेब्रुवारी-मार्च २०२६ चा निकाल आज, शुक्रवार ८ मे २०२६ रोजी दुपारी १ वाजता ऑनलाईन जाहीर करण्यात येणार आहे. विद्यार्थ्यांना मंडळाने जाहीर केलेल्या ५ पेक्षा अधिक अधिकृत संकेतस्थळांवरून आपले गुण पाहता येणार आहेत.
तसेच ‘डिजीलॉकर’वरूनही डिजिटल गुणपत्रिका डाउनलोड करण्याची सुविधा उपलब्ध करून देण्यात आली आहे. दरम्यान, निकालानंतर विद्यार्थ्यांना गुणपडताळणी तसेच उत्तरपत्रिकेच्या छायाप्रतीसाठी ९ मेपासून ऑनलाईन अर्ज करता येणार आहेत. निकाल पाहण्याच्या थेट लिंक्ससह संपूर्ण प्रक्रिया आणि आवश्यक माहिती विद्यार्थ्यांना अधिकृत संकेतस्थळांवर उपलब्ध करून देण्यात आली आहे.
फेब्रुवारी-मार्च २०२६ मध्ये घेण्यात आलेल्या दहावीच्या परीक्षेसाठी राज्यभरातील लाखो विद्यार्थ्यांनी परीक्षा दिली होती. आता निकालाची प्रतीक्षा संपणार असून विद्यार्थी आणि पालकांमध्ये मोठी उत्सुकता पाहायला मिळत आहे. आज दुपारी १ वाजल्यानंतर अधिकृत संकेतस्थळांवर विद्यार्थ्यांना आपला निकाल ऑनलाईन पाहता येणार आहे.
महाराष्ट्र राज्य माध्यमिक व उच्च माध्यमिक शिक्षण मंडळ यांच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत घेण्यात आलेल्या माध्यमिक शालान्त प्रमाणपत्र (इयत्ता १० वी) परीक्षेचा निकाल शुक्रवार, ८ मे २०२६ रोजी दुपारी १ वाजता अधिकृत संकेतस्थळांवर ऑनलाईन जाहीर केला जाणार आहे.
निकाल पाहण्यासाठी अधिकृत संकेतस्थळ खालीलप्रमाणे –
- https://results.digilocker.gov.in
- https://mahahsscboard.in
- https://sscresult.mkcl.org
- https://results.targetpublications.org
- https://results.navneet.com
VIDEO | Farmers News : बांधावरची शेती | आदर्श शेतकरी सुनिल पाटील यांचा अनोखा प्रयोग
