ईसा तडवी, प्रतिनिधी
पाचोरा, 4 नोव्हेंबर : राज्यात सध्या विधानसभा निवडणुकीची रणधुमाळी सुरू आहे. दरम्यान, पिंपळगाव हरेश्वर येथील श्री. गोविंद महाराजांच्या दर्शनाने किशोर आप्पा पाटील यांच्या प्रचाराची उद्यापासून सुरुवात होणार आहे. यावेळी खासदार स्मिताताई वाघ व आमदार किशोर आप्पा पाटील आणि मठाधिपती शिवानंद महाराज भाजपा-शिवसेना महायुतीचे पदाधिकारी मतदारांच्या भेटीला येणार आहेत.
किशोर आप्पा पाटील यांच्या प्रचाराची उद्यापासून सुरूवात –
पाचोरा-भडगाव विधानसभा निवडणुकीसाठी शिवसेना-भाजपा, राकाँरिपाई महायुतीचे उमेदवार आमदार किशोर आप्पा पाटील यांच्या प्रचारार्थ उद्या मंगळवार रोजी पिंपळगाव हरेश्वर येथून सुरुवात करण्यात येणार आहे. यानिमित्ताने सकाळी 8:30 वाजता संत गोविंद महाराज मंदिरात महाराजांचे दर्शन घेवून प्रचाराचा नारळ वाढवण्यात येणार आहे. यानंतर मतदार बांधवांच्या भेटी घेणार आहेत.
पदाधिकारी-कार्यकर्त्यांना उपस्थित राहण्याचे आवाहन –
या रॅलीसाठी भारतीय जनता पार्टीच्या खासदार स्मिता वाघ यांच्यासह महायुतीचे उमेदवार आमदार किशोर आप्पा पाटील, शिवसेनेचे जिल्हाप्रमुख रावसाहेब पाटील, भाजपा जिल्हा उपाध्यक्ष मधुकर काटे, डॉ. शांतीलाल तेली, तालुका प्रमुख सुनील पाटील, बाजार समितीचे सभापती गणेश पाटील, वसंत भाऊ गीते, विनोद महाजन, अनिल महाजन, नंदू पाटील, ज्ञानेश्वर सोनार, रवी गीते, रमेश नाना, सुनील पाटील, राहुल पाटील, इंदल परदेशी, विजय राठोड, बंटी राठोड, किशोर पाटील आदी पदाधिकारी कार्यकर्ते उपस्थित राहणार आहेत. यावेळी भाजपा-शिवसेना, रिपाई महायुतीचे पदाधिकारी, आजी-माजी लोकप्रतिनिधी व कार्यकर्त्यांनी उपस्थित रहावे, असे आवाहन करण्यात आले आहे.
