ईसा तडवी, प्रतिनिधी
सातगाव डोंगरी (पाचोरा), 8 नोव्हेंबर : विधानसभा निवडणुकीच्या प्रचारासाठी मतदारसंघात माझ्यासह महायुतीतील पदाधिकारी- कार्यकर्यांकडून मोठ्या प्रमाणात प्रचार केला जात आहे. या प्रचारास उत्फूर्त प्रतिसाद मिळत असून निश्चितपणे विकासाच्या मागे मतदारसंघातील जनता उभी आहे, अशा विश्वास आमदार किशोर आप्पा पाटील यांनी व्यक्त केला. आमदार किशोर आप्पा पाटील यांची सातगाव डोंगरीत आज प्रचार रॅली पार पडली. यावेळी ते बोलत होते.
आमदार किशोर आप्पा पाटील काय म्हणाले? –
पाचोरा भडगाव विधानसभा मतदारसंघात विकासात्मक दृष्ट्या प्रचंड मागे असलेले सातगाव डोंगरी हे गाव होते. दरम्यान, या गावाची पाहणी केल्यानंतर सातगाव डोंगरी गाव दत्तक घेण्यात आले.दरम्यान, आता करोडो रुपयांची निधी याठिकाणी मंजूर असून येणाऱ्या काळात प्रलंबित कामे पुर्ण करण्यात येणार असल्याचे आश्वासन आमदार किशोर आप्पा पाटील यांनी दिले. पाणी पुरवठा योजनांची कामे याठिकाणी सुरू असल्याने रस्त्यांची काही प्रमाणात समस्या आहे. मात्र, पाणी पुरवठा योजनांची कामे पुर्ण झाल्यानंतर उरर्वित रस्त्यांची कामे पुर्ण केली जातील, असेही आमदार पाटील म्हणाले.
आमदार किशोर आप्पा पाटील प्रचार रॅली दरम्यान संवाद साधताना म्हणाले की, छत्रपती शिवाजी महाराजांच्या पुतळा याठिकाणी उभारण्यात आला. यामुळे सातगाव डोंगरीतील तरुणांमध्ये प्रचंड मोठा उत्साह आहे. अशाच प्रकारे छत्रपती शिवाजी महाराजांचे स्मारके उभारण्यात आली आहेत. दरम्यान, प्रत्येक गावात छत्रपती शिवाजी महाराजांच्या पुतळे उभारणीचे काम केले जाणार असल्याचेही त्यांनी सांगितले. तसेच सातगाव डोंगरी या गावाचा चेहरमोहरा बदलविण्याचे काम आमदार किशोर आप्पा पाटील यांच्या नेतृत्वात आम्ही सर्वजण करत असल्याचे भाजपा जिल्हा उपाध्यक्ष मधुकर काटे म्हणाले.
यावेळी भाजप जेष्ठ कार्यकर्ते आप्पा हिलाल ओंकार पाटील वि.का. सो. मा. चेअरमन , आप्पा पवार, विलास डाबरे, गोकुळ वाघ, गोकुळ परदेशी, ईश्वर जाधव, भिला पवार, पत्रकार सुनिल पाटील, कृषी उत्पन्न बाजार समिती संचालक राहुल पाटील, सागर चौधरी, जावेद हवालदार, राजु बोरसे, इदल परदेशी, किरण कोठावदे, सुनिल मराठे, सतीश परदेशी, अविनाश पाटील, सरदार परदेशी, उमेश बच्चे, अंकुश गवळी, गोकुळ बैरागी, रवी पाटील लक्ष्मण डाबरे यांच्यासह महायुतीतील शिवसेना, भाजप, राष्ट्रवादी काँग्रेस, रिपाईचे पदाधिकारी-कार्यकर्ते आदी उपस्थित होते.
