मुंबई, 30 मे : यंदाचा उन्हाळ्यात वाढलेले तापमान आणि यापासून होणारा उकाडा यामुळे आता मान्सूनची प्रतिक्षा लागलीय. दरम्यान, शेतकऱ्यांची पेरणीपुर्व कामांची तयारी सुरू असताना महाराष्ट्रात मान्सून नेमका कधी दाखल होणार असा प्रश्न देखील उपस्थित केला जातोय. या पार्श्वभूमीवर पुढील 24 तासात मान्सून केरळमध्ये दाखल होणार असल्याची माहिती समोर आली आहे.
मान्सून पुढील 24 तासात केरळमध्ये –
भारतीय हवामान विभागाने दिलेल्या माहितीनुसार, आता मान्सूनच्या प्रगतीला पोषक वातावरण तयार होत आहे. मोसमी वारे हळूहळू पुढे सरकत असल्याने येत्या 24 तासांत मोसमी वारे केरळमध्ये दाखल होतील. केरळसह दक्षिण अरबी समुद्र, मालदिवचा उर्वरित भाग, लक्षद्वीपचा उर्वरित भाग, ईशान्य आणि आग्नेय बंगालच्या उपसागरात नैऋत्य मोसमी वारे आगेकूच करतील, असाही अंदाज हावामान विभागाने व्यक्त केलाय.
महाराष्ट्रात 10 जून रोजी दाखल होणार –
हवामान विभागाने पुढे दिलेल्या अंदाजानुसार, येत्या काही तासात मान्सून भारतीय सीमेत प्रवेश करू शकतो. तसेच पुढील 24 तासांत केरळमध्ये मान्सूनच्या आगमनासाठी परिस्थिती अनुकूल राहील. यानंतर महाराष्ट्रात 10 जून पर्यंत मान्सून दाखल होईल. दरम्यान, राज्यात जोरदार पाऊस कोसळणार असल्याचाही अंदाज हवामान विभागाने व्यक्त केला आहे.
हेही वाचा : जळगाव जिल्हा हादरला! दोघांची गोळी झाडून हत्या, भुसावळात नेमकं काय घडलं?
