ईसा तडवी, प्रतिनिधी
पाचोरा, 16 फेब्रुवारी : पाचोरा नगरपालिकेच्या अंतर्गत शॉपिंग कॉम्प्लेक्स परिसरातील राखीव जागेवर अतिक्रमण करण्यात आले होते. यावरून गाळे धारकांनी अतिक्रमणसंदर्भातील तसेच याठिकाणी अवैध धंदे सुरू असल्याच्या तक्रारी केल्या होत्या. यामुळे आज पाचोरा नगरपालिकेच्यावतीने अतिक्रमणविरोधात कारवाई करण्यात आल्याची माहिती मुख्याधिकारी मंगेश देवरे यांनी दिलीय. यावेळी पोलीस प्रशासनाचे देखील सहकार्य मिळाले असल्याचे त्यांनी स्पष्ठ केले.
नगरपालिकेची अतिक्रमणाविरोधात कारवाई –
पाचोऱ्यात अतिक्रमणविरोधात नगरपालिका प्रशासन अॅक्शन मोडमध्ये आल्याचे पाहायला मिळाले. पाचोरा शहरातील शॉपिंग कॉम्प्लेक्स परिसरात आज सकाळी नगरपालिकेचे मुख्याधिकारी मंगेश देवरे यांच्या उपस्थितीत अतिक्रमणविरोधात कारवाई करण्यात आली. नगरपालिकेचे कर्मचारी तसेच पोलीस प्रशासन यांच्या सोबतीने अतिक्रमण हटविण्यात आले. यावेळी मुख्याधिकारी देवरे यांनी अतिक्रमण संदर्भात कारवाईची माहिती दिली.
मुख्याधिकारी मंगेश देवरे म्हणाले की, पाचोऱ्यातील गाळे धारकांनी अतिक्रमणसंदर्भातील तसेच याठिकाणी अवैध धंदे सुरू असल्याच्या तक्रारी केल्यावरून अतिक्रमणविरोधातील कारवााई करण्यात आली आहे. तसेच ही जागा मोकळी करून येत्या काळात याठिकाणी कंपाऊंड करून वाहन पार्किंगची व्यवस्था करणयात येईल. दरम्यान, अतिक्रमणविरोधातील कारवाईसाठी पोलीस प्रशासनाचे सहकार्य मिळाल्याचे मंगेश देवरे यांनी सांगितले.
हेही पाहा : IPS Dr. Maheshwar Reddy: सोशल मीडिया, क्राइम, तरुणाई; Jalgaon SP डॉ. महेश्वर रेड्डींची विशेष मुलाखत
