पुणे, 12 ऑक्टोबर : ‘बिग बॉस मराठी 5’चा विजेता सूरज चव्हाण याने आज उपमुख्यमंत्री अजित पवार यांची पुण्यातील निवासस्थानी भेट घेतली. यावेळी उपमुख्यमंत्री अजित पवार यांनी बिग बॉस मराठी 5 चा विजेता सुरज चव्हाणला घर देण्याचे आश्वासन दिले.
उपमुख्यमंत्री अजित पवार यांचं सूरजला आश्वासन –
अजित पवार यांनी सूरज चव्हाण यांच्या कामगिरीचे कौतुक करताना सांगितले की, त्यांच्या मोकळ्या मनाच्या स्वभावामुळे त्यांना बिग बॉसची ट्रॉफी जिंकण्यास मदत झाली. यावेळी अजित पवार व त्यांचे चिरंजीव पार्थ पवार यांनी सुरज चव्हाण यांचा सत्कार करून घर देण्यासह सर्व प्रकारची मदत करण्याचे आश्वासन दिले.
अनेकदा फसवल्या गेल्यामुळे “सुरज चव्हाण यांना भविष्यात त्यांच्या कोणीही गैरफायदा घेऊ नये, यासाठी विश्वासार्ह व्यक्ती मिळेल, त्यांना आवश्यक ती सर्व मदत मी करीन, अशी खात्रीही यावेळी अजित पवार यांनी दिली.
बिग बॉस मराठी 5 चा विजेता –
‘बिग बॉस मराठी सीजन 5’च्या निर्मात्यांनी यावेळी सर्वांनाच मोठा धक्का देत हे सीजन 70 दिवसांमध्ये संपवणाचा निर्णय घेतला. यानंतर, लगेचच फिनाले विकला सुरूवात झाली. विशेष म्हणजे म्हणजे बिग बॉस मराठीचे हे सीजन सुरूवातीपासूनच धमाकेदार कामगिरी करताना दिसले. दरम्यान, ग्रामीण भागातील तरूण म्हणजेच सूरज चव्हाण याने ‘बिग बॉस मराठी सीजन 5’च्या ट्रॉफीवर नाव कोरलं. अभिजीत सावंत आणि सूरज चव्हाण यांच्यात मोठा मुकाबला बघायला मिळाला होता. मात्र, सूरज चव्हाण हा विजेता ठरल्यानंतर च्यावर जोरदार काैतुकांचा वर्षाव करण्यात आला. अनेक राजकिय मंडळींनी सूरजच्या पोस्ट सोशल मीडियावर शेअर करत त्याचे कौतुक केले आहे. दरम्यान, त्याने आज राज्याचे उपमुख्यमंत्री अजित पवार यांची भेट घेतली.
हेही वाचा : “…..म्हणूनच मी त्यांच्या पाठीशी उभं राहणं पसंत केलं”, पक्षप्रवेश केल्यानंतर सयाजी शिंदेंनी सांगितले कारण
