सुनील माळी, प्रतिनिधी
पारोळा, 24 फेब्रुवारी : जळगाव जिल्ह्यात अपघाताच्या घटनांमध्ये वाढ होत असतानाच पारोळा तालुक्यातून अपघाताची बातमी समोर आली. दोन दुचाकींमध्ये अपघात झाल्याने एक जण जागीच ठार तर दोण जण गंभीर जखमी झाले आहेत. हरी साजन पाटोळे (68 वर्ष, रा. मुंदाणे) असे मृत व्यक्तीचे नाव आहे.
काय आहे संपूर्ण बातमी? –
पारोळा तालुक्यातील राष्ट्रीय महामार्ग क्र. 6 वरील करंजी गावाजवळ दोन मोटरसायकलींमध्ये अपघात झाला. या अपघातात एक जण ठार तर दोन जण गंभीर जखमी झाले आहेत. ही घटना काल (23 फेब्रुवारी) रोजी रात्री आठ वाजता घडली. हरी साजन पाटोळे यांच्यासोबत असलेले भाऊसाहेब पाटोळे हे त्यांच्या मोटरसायकलवर मुंदाणेकडे जात असताना समोरून येणारा अमोल कोळी (रा. बोळे) यांच्यात दोघांमध्ये समोरासमोर धडक झाली.
दरम्यान, या अपघातात हरी पाटोळे गंभीररित्या जखमी झाल्याने त्यांचा जागीच मृत्यू झाला. तर भाऊसाहेब पाटोळे व अमोल कोळी हे जखमी झाले आहेत. त्यांच्यावर पारोळ्यातील कुटीर रूग्णालयात उपचार सुरू आहेत. याप्रकरणी पारोळा पोलिसांत गुन्हा दाखल करण्यात आला आहे.
हेही वाचा : कामागारांच्या पीएफचे पैसे वळविले गर्लफ्रेंडच्या खात्यावर, कंपनीच्या सुपरवायझरचं धक्कादायक कृत्य
