पाचोरा, 9 मार्च : राज्यभरासह संपूर्ण देशात काल 8 मार्चला जागतिक महिला दिन उत्साहात साजरा करण्यात आला. याच जागतिक महिला दिनाचे औचित्य साधून शिवसेनेच्या नेत्या वैशाली सुर्यवंशी (ठाकरे गट) यांनी नि:शुल्क मोतीबिंदू शस्त्रक्रिया शिबिराचे आयोजन केले होते. पाचोरा शहरातील शिवतीर्थ कार्यालय येथे हे आयोजन करण्यात आले होते.
सुरुवातीला दीपप्रज्जवलाने शिबिराचे उद्घाटन करण्यात आले. पाचोरा आणि पंचकोशीतील लोकांसाठी हे मोती बिंदू शस्त्रक्रिया शिबिराचे आयोजन केले. ज्या लोकांची आर्थिक परिस्थिती अतिशय बिकट आहे, अशा गरजू लोकांसाठी मोफत मोतीबिंदू शस्त्रक्रिया शिबिराचे आयोजन करण्यात आले. सुमारे 360 रुग्णांनी या शिबिराचा लाभ घेतला.
जळगाव येथील नेत्रचिकित्सक डॉ. जॅकी शेख, डॉ. विष्णू पाटील आणि त्यांचे सहकारी डॉ. विनोद पाटील यांनी रुग्णांची तपासणी केली. त्यातील जवळपास 69 रुग्णांना मोतीबिंदू शस्त्रक्रियेसाठी जळगाव येथील प्रसिद्ध कांताई नेत्र चिकित्सालय या ठिकाणी पाठविण्यात आले.
कोण कोण होतं उपस्थित –
दरम्यान, रुग्णांची तपासणी आणि जळगाव येथे येण्या-जाण्याचा तसेच मोतीबिंदू शस्त्रक्रियेचा संपूर्ण खर्च वैशाली सुर्यवंशी करीत आहेत.
जागतिक महिला दिनानिमित्त सर्व महिला रुग्णांना पुष्पगुच्छ देऊन त्यांचे स्वागत करून त्यांना शुभेच्छा दिल्या. याप्रसंगी दिपकसिंग राजपूत (जिल्हाप्रमुख), रमेशजी बाफ़ना (ता.प्र.शेतकरीसेना), अरुण पाटील (शेतकरीनेता), शरद पाटील (तालुका अध्यक्ष), तिलोतमा (जिल्हा संघटिका), जयश्री वाणी, मंदाकिनी पारोचे, भरत खंडेलवाल, दत्ताभाऊ जडे (मा. नगर सेवक), संदीप जैन (उपजिल्हाप्रमुख,युवासेना), भुपेश सोमवंशी (तालुका प्रमुख,युवासेना), अजय पाटील (एस.टी.कामगारसेना ता.प्रमुख,पाचोरा), हरीश देवरे (शहर प्रमुख,युवासेना), जयश्री येवले (शहर संघटिका महिला आघाडी), कुंदन पण्ड्या (शहर संघटिका), मंदाकिनी पारोचे (शहर समन्वयिका,पाचोरा), पप्पू राजपूत, बंडू पाटील, राजू साळुंके, फकिरा पाटील, कुंदन पाटील, चैतन्य राजपूत, किरण पाटील, प्रशांत सोनार, नाना, धर्म काका पाटील, शुभम राजपूत, अतुल चौधरी, आदी पदाधिकारी उपस्थित होते.
