ईसा तडवी, प्रतिनिधी
पाचोरा, 1 जून : पाचोरा तालुक्यातील सातगाव डोंगरी येथील पोस्ट बेसिक माध्यमिक विद्यालय शाळेचे शिपाई पदावर असलेले इमाम तडवी हे आपल्या ३७ वर्षाच्या प्रदिर्घ यशस्वी सेवेनंतर वयाच्या ६० वर्षी काल 31 मे रोजी सेवानिवृत्त झाले. यानिमित्त सातगाव डोंगरी येथील पोस्ट बेसिक माध्यमिक विद्यालयात त्यांचा सेवापुर्ती सोहळा कार्यक्रम आयोजित करण्यात आला.
कार्यक्रमास पोस्ट बेसिक माध्यमिक विद्यालयाचे मुख्याध्यापक मनगटे यांनी मनोगत व्यक्त केले. तसेच आदर्श आश्रम शाळेचे मुख्याध्यापक फिरोज खाटीक यांच्यासह डी. आर . पाटील यांनीही मनोगत व्यक्त केले. दरम्यान, दगडू तडवी यांनी आपल्या भाषणात त्यांनी जुन्या आठवणींना उजाळा देऊन इमाम तडवी यांचे मनापासून अभिनंदन केले.
यावेळी शाळेतील मुख्याध्यापक मनगटे यांच्यावतीने इमाम तडवी यांचे टोपी रुमाल व पुष्पगुच्छ देऊन सत्कार करण्यात आला. आदर्श आश्रम शाळेचे मुख्याध्यापक फिरोज खाटीक, माजी मुख्याध्यापक राहुल पवार, उपसरपंच रज्जाक तडवी, दगडू तडवी सर,आबा पाटील, नाना पाटील शिंदाड, फकीरा तडवी कुऱ्हाड तसेच शाळेतील सर्व शिक्षक आणि, शिक्षकेतर कर्मचारी वर्ग मोठ्या संख्येने उपस्थित होते. गावातील सरपंच, उपसरपंच, सदस्य आणि महिला व पुरुष मोठ्या संख्येने उपस्थित होते.
हेही वाचा : भुसावळ डबल मर्डर अपडेट : संशयित आरोपींना रात्री उशिराने केले न्यायालायात दाखल, नेमकं काय घडलं?
