संदीप पाटील, प्रतिनिधी
पारोळा, 19 एप्रिल : राज्यात अवैधपणे गुरांची वाहतूक करण्याच्या अनेक घटना समोर येत असताना पारोळ्यातून मोठी बातमी समोर आली आहे. पारोळा येथे जनावरांना कत्तलीसाठी घेऊन जाणारा पिकअप पारोळा येथे आज सकाळी पहाटे पोलिसांनी पकडला. दरम्यान, पारोळा पोलिसांनी गुरांची बेकायदेशीरपणे वाहतूक करणाऱ्या चालकावर कारवाई केली.
काय आहे संपूर्ण बातमी? –
पारोळा येथे आज सकाळी पहाटे 3 वाजेचा सुमारास मालेगाव येथे कत्तीलीसाठी घेवुन जाणाऱ्या गाई पकडण्यात पारोळा पोलिसांना यश आले आहे. तत्पूर्वी, अवैधपणे गुरांची वाहतूक केली जात असल्याची माहिती अमळनेर पोलिसांनी पारोळा पोलिस स्टेशनला दिली होती. यावरून पारोळा पोलिस स्टेशनचे कर्मचारी अभिजित पाटील यांनी गौ रक्षक समाधान धनगर यांना कळवले असता अमळनेर रोड शनि मंदीराजवळ अवैधपणे गुरांची वाहतूक करणारी गाडी पकड्यात आली.
गायींना पीकअपमध्ये कोंबले –
पारोळा येथून मालगावकडे जाणाऱ्या पीकअप गाडीत 10 ते 12 गायी कोंबून ठेवल्या होत्या. तत्काळ पारोळा पोलिसांना याबाबत माहिती मिळाल्यामुळे बजरंग दल गौ रक्षक समाधान धनगर यांच्या मदतीने पीकअपला पकडण्यात यश आले. दरम्यान, गाडीतील चालक फरार असून क्लिनरला पोलिसांनी ताब्यात घेतले असून पोलिस पुढील तपास करत आहेत.
पारोळा येथे कारवाई करत असताना ताब्यात घेतलेल्या गायींना अमळेनर येथील गौशाळेत रवाना करण्यात आले. यावेळी शाम पाटील, बजरंग दलचे जयवंत चौधरी व शेलैश पाटील तसेच अमळनेर येथील पोलिस कर्मचारी महाजन साहेब, पुनम हाटकर साहेब आदी उपस्थित होते.
हेही वाचा : पारोळा येथून निवडणूक बंदोबस्तासाठी 29 होमगार्ड गडचिरोलीसाठी झाले रवाना
