जेद्दाह (सौदी अरेबिया), 25 नोव्हेंबर : सौदी अरेबियातील जेद्दाह येथे इंडियन प्रिमिअर लीगच्या 2025 च्या सत्रासाठी काल दोन दिवसाचा लिलाव सुरू झाला. दरम्यान, या लिलावात युवा यष्टिरक्षक फलंदाज ऋषभ पंत हा आयपीएल इतिहासात सर्वांत महागडा खेळाडू ठरला. पंतसाठी लखनौ संघाने तब्बल 27 कोटी रुपयांची बोली लावत आपल्या संघात घेतले.
आयपीएल 2025 च्या सत्रासाठी लिलाव –
आयपीएल 2025 च्या लिलावात पहिल्या दिवशी 72 खेळाडूंची खरेदी करण्यात आली. यामध्ये 48 भारतीय तर 24 विदेशी खेळाडूंना संघ मिळाले. तसेच 437.95 कोटी खर्च झाले असून आता 10 संघांकडे 174 कोटी शिल्लक आहेत. दरम्यान, ऋषभ पंत नंतर श्रेयस अय्यर आणि व्यंकटेश अय्यर हे अनुक्रमे दुसऱ्या आणि तिसऱ्या क्रमांचे महागडे खेळाडू ठरले आहेत.
आयपीएल 2025 च्या लिलावातील टॉप-5 खेळाडू –
- ऋषभ पंत – 27 कोटी – लखनऊ सुपर जायंट्स
- श्रेयस अय्यर – 26 कोटी 75 लाख – पंजाब
- व्यंकटेश अय्यर – 23 कोटी 75 लाख – कोलकाता
- अर्शदीप सिंग – 18 कोटी – पंजाब
- युझवेंद्र चहल – 18 कोटी – पंजाब
हेही पाहा : Kishor Appa Patil Hattrick : ऐतिहासिक विजयानंतर आमदार किशोर आप्पा पाटील काय म्हणाले? पहिलीच मुलाखत..
