छत्रपती संभाजीनगर, 27 जानेवारी : राज्य महामंडळाच्या एसटी बसेसमधील तिकिटाच्या दरात वाढ करण्यात आली आहे. यामुळे सर्वसामान्य प्रवाशांना याचा फटका बसत असल्याच्या प्रतिक्रिया नागरिकांमधून समोर येत आहेत. दरम्यान, आता एसटी भाडेवाढ विरोधात ठाकरेंची शिवसेना रस्त्यावर उतरणार असून आज ठाकरे गटाकडून चक्काजाम आंदोलन करण्यात येणार आहे.
शिवसेना उद्धव बाळासाहेब ठाकरे पक्षाचे विधानपरिषेदचे विरोधीपक्षनेते अंबादास दानवे यांच्या नेतृत्वात आज सकाळी अकरा वाजता छत्रपती संभाजीनगरमध्ये आंदोलनाला सुरुवात होईल. मराठवाड्यातल्या सगळ्या तालुका जेवढे बस स्थानक आहे, या ठिकाणी शिवसेनेने सकाळी अकरा वाजता भाडेवाडी विरुद्ध चक्का जाम आंदोलन ठेवलेले आहे, अशी माहिती दानवे यांनी दिली आहे.
भाडेवाढीचा या प्रवाशांना बसणार फटका –
एसटी प्रवास महागल्यानंतर इतर खासगी वाहतूकदारही भाडेवाढ करतात. त्यामुळे सध्या राज्यात महिलांना एसटी प्रवास 50 टक्के मोफत, तसेच वृद्धांना मोफत आहे. मात्र, इतर प्रवाशांना दरवाढीचा फटका बसणार आहे. त्यामुळे इतरांना दिल्या जाणाऱ्या सवलवतीचा खर्च सामान्या नागरिकांकडून वसूल केला जात असल्याची संतप्त भावनाही प्रवाशी व्यक्त करत आहेत.
हेही वाचा : शेतकऱ्यांसाठी महत्वाची बातमी! पीएम किसान योजनेचा 19 वा हप्ता ‘या’; दिवशी जमा होणार
