मिलिंद वाणी, प्रतिनिधी
चोपडा, 14 ऑगस्ट : जळगाव जिल्हा समाज कल्याण अधिकारी यांच्या मार्गदर्शनाखाली कमला नेहरू मागासवर्गीय मुलींचे वसतिगृहात नशा मुक्त भारत अभियाना अंतर्गत विविध कार्यक्रमांचे आयोजन करण्यात आले. प्रथमता नशा मुक्तीची प्रतिज्ञा घेऊन, व्यसनाधीनतेच्या विरोधात विद्यार्थिनींनी पदयात्रा काढली सांस्कृतिक स्पर्धा, तसेच व्यसनमुक्ती बाबत व्याख्यान असे विविध कार्यक्रम पार पडले.
नशा मुक्त भारत अभियान –
सामाजिक न्याय आणि अधिकारिता मंत्रालय नवी दिल्ली व सामाजिक न्याय व विशेष सहाय्य विभाग मंत्रालय यांच्या सूचनेनुसार विकसित भारत चा मंत्र “भारत हो नशे से मुक्त” या संकल्पनेवर आधारित भारताला अमली पदार्थ मुक्त बनविण्याच्या दृष्टीने व मादक पदार्थाच्या गैरवापराचा प्रतिबंध करण्याकरता नशा मुक्त भारत अभियान राबविण्यात येत आहे. त्याअनुषंगाने हे कार्यक्रम साजरे झाले.
यावेळी अधिक्षिका कावेरी कोळी, अध्यक्ष महेश शिरसाठ, कर्मचारी व विद्यार्थींनी मोठ्या संख्येने उपस्थित होत्या.
हेही वाचा : Unmesh Patil Interview : ‘एकतर नार-पार नाहीतर हद्दपार…’, उन्मेश पाटील यांची Exclusive मुलाखत
