सुनिल माळी, प्रतिनिधी
पारोळा, 10 मार्च : राज्यात आत्महत्येचे प्रमाण वाढत असताना पारोळा तालुक्यातून धक्कादायक घटना समोर आली आहे. 16 वर्षीय मुलीने आत्महत्या केल्याची घटना पारोळा शहारात आज सकाळी घडली. नम्रता भास्कर फासगे असे मृत मुलीचे नाव असून राहत्या घरातच गळफास घेत तिने आयुष्य संपवले.
काय आहे संपूर्ण बातमी? –
मिळालेल्या माहितीनुसार, नम्रता भास्कर फासगे ही इयत्ता 10 वीच्या वर्गात होती. दरम्यान, आज सकाळी ती तिच्या राहत्या घरी गळफास घेतलेल्या अवस्थेत आढळून आली. तिला पारोळा येथील कुटीर रूग्णालयात दाखल केले असता डॉक्टरांनी तिला तपासून मृत घोषित केले.
रूग्णालयात तिच्यावर शवविच्छेदन केल्यानंतर तिचा मृतदेह कुटुंबियांना सोपविण्यात आला. दरम्यान, आत्महत्येचे कारण अद्याप अस्पष्ठ असून याप्रकरणी अलका एकनाथ निरमुळे यांनी पाोलिसांत याबाबतची माहिती दिली असून पुढील तपास पोलीस उपनिरीक्षक राजु जाधव हे करत आहेत.
हेही वाचा : मोठी बातमी! जिल्हाधिकारी कार्यालयात घेतली लाच अन् दोन लिपीकांना एसीबीने पकडले रंगेहाथ
