ईसा तडवी, प्रतिनिधी
पाचोरा, 9 एप्रिल : ज्यांना कुणीही नाही अशा निराधारांना मिष्टान्नाने युक्त असणारे अन्नदान करत शिवसेना-उध्दव बाळासाहेब ठाकरे पक्षाच्या वैशाली सुर्यवंशी यांनी गुढीपाडवा साजरी केला.
आज वर्षातील मोठे पावन पर्व असलेला गुढीपाडवा सर्वत्र साजरा करण्यात येत आहे. यातील पाडवा पहाट ही विशेष मानली जात असून यानिमित्त विविध धार्मिक, सामाजिक व सांस्कृतीक कार्यक्रम आयोजीत करण्यात येतात. शिवसेना-उध्दव बाळासाहेब ठाकरे पक्षाच्या वैशाली सुर्यवंशी यांनी मात्र अतिशय अनोख्या आणि मानवतावादी प्रकारे पाडवा पहाट साजरी केली.
काय आहे आधारवड संस्था? –
पाचोरा शहरातील आधारवड ही संस्था निराधारांना आधार देण्याचे काम करते. शहरासह परिसरातील अनेक निराधारांना येथे आश्रय मिळालेला आहे. वैशाली सुर्यवंशींनी आज पहाटेच आपल्या सहकार्‍यांसह आधारवड संस्थेतील निराधार स्त्री-पुरूषांना अन्नदानरूपी सेवा केली. यात खीर व बदाम शेकसह अनेक स्वादीष्ट खाद्यपदार्थांचा समावेश होता. दरम्यान, निराधारांचा गुढीपाडवा खर्‍या अर्थाने गोड झाल्याची भावना त्यांच्या चेहर्‍यावर दिसून आली.
याप्रसंगी वैशाली सुर्यवंशी यांनी आधारवड संस्थेच्या पदाधिकार्‍यांशी संवाद साधतांना उपेक्षितांसाठी ते करत असलेल्या कार्याचे तोंड भरून कौतुक केले. आगामी काळात आपण संस्थेच्या मदतीसाठी तत्पर राहणार असल्याचे देखील त्यांनी आवर्जून नमूद केले.
यांची होती उपस्थिती –
याप्रसंगी वैशाली सुर्यवंशी यांच्यासोबत कमलताई आर. ओ. पाटील, निधी नरेंद्र सिंग सूर्यवंशी, ज्येष्ठ शिवसैनिक राजूभाऊ काळे, अनिल सावंत शहर प्रमुख, अ‍ॅडवोकेट दीपक पाटील शहरप्रमुख, दादाभाऊ चौधरी, पप्पूदादा राजपूत, पप्पू जाधव, नामदेव चौधरी, संजय चौधरी, भूषण चौधरी, संदीप जैन उपजिल्हा युवा अधिकारी, मनोज चौधरी युवा शहर अधिकारी, हरीश देवरे युवा शहर अधिकारी अधिकारी, फकीरचंद पाटील, अतुल चौधरी सह समस्त पदाधिकारी आणि कार्यकर्ते आदींची उपस्थिती होती.
हेही वाचा : लोकसभा निवडणूक 2024 विशेष : सत्तेला आव्हान देणारा माणूस, उन्मेश पाटील!
