महेश पाटील, प्रतिनिधी
भडगाव, 29 मार्च : भडगाव तालुक्यातील अंतुर्ली बुवाची येथे छत्रपती संभाजी महाराज यांच्या पुण्यतिथीनिमित्त व्याख्यान आयोजित करण्यात आले आहे. अंतुर्लीत शिव शंभू चरित्र व्याख्याते ह.भ.प. दिनेश महाराज पाटील यांचे आज 29 मार्च रोजी रात्री 8 वाजता व्याख्यान पार पडणार आहे.
भडगाव तालुक्यातील अंतुर्ली (बु) येथे छत्रपती संभाजी महाराज यांच्या पुण्यतिथीनिमित्त ह.भ.प. दिनेश महाराज पाटील यांच्या व्याख्यानाचा कार्यक्रम आयोजित करण्यात आला आहे. छत्रपती संभाजी महाराज यांच्या पराक्रमाची तसेच शौर्याची गाथा व्याख्यानाच्या माध्यमातून सर्वांना जाणून घेता यावी आणि आजच्या तरूणाईला नवी प्रेरणा मिळावी, या हेतूने अंतुर्ली येथील ग्रामस्थ तसेच तरूण मंडळींनी व्याख्यानाचा कार्यक्रम आयोजित केलाय.
दरम्यान, ह.भ.प. दिनेश महाराज पाटील यांचे व्याख्यान ऐकण्यासाठी परिसरातील सर्वांनी जास्तीत जास्त संख्येने उपस्थित राहावे, असे आवाहन आयोजकांच्या वतीने करण्यात आले आहे.
