- दुपारी 2.50 वाजता – शासकीय विमानाने मुंबई येथून जळगाव विमानतळ येथे आगमन व मोटारीने पोलीस कवायत मैदान, जळगावकडे प्रयाण
- दुपारी 3.00 वाजता – शासन आपल्या दारी कार्यक्रमास उपस्थिती (स्थळ – पोलीस कवायत मैदान, जळगाव)
- दुपारी 5.00 वाजता – मोटारीने जळगाव विमानतळाकडे प्रयाण
- दुपारी 5.10 वाजता – जळगाव विमानतळ येथे आगमन व शासकीय विमानाने मुंबईकडे प्रयाण
उद्या मंगळवारी दिनांक 27 जून रोजी जळगाव शहरातील पोलीस कवायत मैदान मैदानावर दुपारी 3 वाजेच्या सुमारास शासन आपल्या दारी हा कार्यक्रम आयोजित केला जात आहे. या कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस उपस्थित राहणार आहेत. तसेच या कार्यक्रमाला पाणी पुरवठामंत्री गुलाबराव पाटील, ग्रामविकास मंत्री गिरीश महाजन हेदेखील उपस्थित राहणार आहेत. शासन आपल्या दारी उपक्रमांतर्गत सर्व विभागांच्या मार्फत एकूण 25 स्टॉलची शासकीय योजनांची माहिती व सेवांचा लाभ देण्यासाठी व्यवस्था करण्यात आली आहे.
यानिमित्ताने उद्या सकाळी 8.30 वाजेपासून कार्यक्रमस्थळी मोफत आरोग्य तपासणी शिबीर ठेवण्यात आले आहे. तसेच यासोबतच याठिकाणी रक्तदान शिबीरही आयोजित करण्यात आले आहे. या आरोग्य तपासणी शिबीराचा लाभ घेण्यात यावा, असे आवाहन करण्यात आले आहे. यासोबतच उद्या जळगाव शहरातील नूतन मराठा विद्यालयात महारोजगार मेळाव्याचे आयोजन करण्यात आले आहे.
पार्किंगची व्यवस्था –
सदर कार्यक्रमाला येणाऱ्या वाहनांची पार्किंग व्यवस्था एकलव्य क्रीडा संकुल मैदान, जी. एस. ग्राऊंड मैदान, शिवाजी पुतळा, सागर पार्क, नेरी नाका ट्रॅव्हल्स समोरील मैदान, खान्देश सेंट्रल मॉल याठिकाणी करण्यात आली आहे.
जिल्हाधिकाऱ्यांनी केले आवाहन –
मुख्यंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत शासन आपल्या दारी कार्यक्रम दुपारी 3 वाजेच्या सुमारास पोलीस कवायत मैदान येथे होणार आहे. तरी या कार्यक्रमाला जास्तीत जास्त लोकांनी उपस्थित राहून शासकीय योजनांचा लाभ घ्यावा, असे आवाहन, जळगाव जिल्ह्याचे जिल्हाधिकारी अमन मित्तल यांनी केले आहे.
