जळगाव, 4 जून : जळगाव जिल्ह्यात अपघाताच्या घटनांमध्ये वाढ होत असताना जळगाव शहरातून धक्कादायक बातमी समोर आली आहे. जळगावातील खोटे नगर परिसरात राहणाऱ्या दोन सख्ख्या भावांचा अपघातात मृत्यू झाल्याची घटना आज बुधवार 4 जून रोजी पहाटे उघडकीस आली. ज्ञानेश्वर झगडू शिवदे आणि प्रमोद दगडू शिवदे असे मयत भावांचे नाव असून खोटे नगरवरून शिवाजी नगरकडे रिक्षाने जाताना जळगाव शहरातील कांताई नेत्रालाजवळ अज्ञात वाहनाने दिलेल्या धडकेत त्यांचा जागीच मृत्यू झाला.
काय आहे संपुर्ण बातमी? –
मिळालेल्या माहितीनुसार, मयत ज्ञानेश्वर शिवदे हे शिवसेना (शिंदे गट) महिला शहर प्रमुख ज्योती शिवदे यांचे पती होते. तसेच प्रमोद हे त्यांचे दीर होते. त्यांच्या कुटुंबाचा पाणीपुरीचा व्यवसाय असून त्यासाठी लागणारे साहित्य आणि माल घेण्यासाठी शिवाजीनगरमधील जुन्या घरी हे दोन्ही भाऊ पहाटे चार वाजता रिक्षाने जात होते.
शिवदे बंधूंचा जागीच मृत्यू –
दरम्यान, निमखेडी शिवारातील कांताई नेत्रालयाजवळ त्यांच्या रिक्षाला अज्ञात वाहनाने धडक दिली. या अपघातात दोघं भावांचा दुर्दैवी मृत्यू झाला. यानंतर त्यांची मृतदेह जिल्हा रूग्णालायात आणण्यात आले. यावेळी कुटुंबायानी एकच आक्रोश केला. तर दुसरीकडे अपघातानंतर अज्ञात वाहन चालक घटनास्थळावरून फरार झाला असून पोलिसांनी तपास सुरू केला आहे.
या घटनेची माहिती मिळताच शिवसेनेचे जिल्हाप्रमुख विष्णू भंगाळे, माजी जिल्हा परिषद सदस्य प्रताप पाटील यांच्यासह शिवसेना पदाधिकारी-कार्यकर्त्यांनी जिल्हा रूग्णालायात धाव घेतली.
