पिंपरखेड (भडगाव), 19 मे: भडगाव तालुक्यातील पिंपरखेड येथील रहिवासी तथा ॲड. विश्वासराव राघो भोसले यांच्या मातोश्री गं. भा. जनाताई राघो भोसले यांचे आज मंगळवार दि. 19 मे रोजी दुपारी 2 वाजता वृद्धापकाळाने दुःखद निधन झाले. निधनसमयी त्यांचे वय 79 वर्षे होते.
जनाताई भोसले या शांत, मनमिळावू व धार्मिक वृत्तीच्या म्हणून परिसरात परिचित होत्या. त्यांच्या निधनाची वार्ता समजताच पिंपरखेड, आमडदे तसेच अंतुर्ली परिसरात हळहळ व्यक्त करण्यात येत आहे. विविध क्षेत्रातील मान्यवरांसह ग्रामस्थांनी भोसले परिवाराच्या दुःखात सहभाग नोंदवून दिवंगत आत्म्यास भावपूर्ण श्रद्धांजली अर्पण केली.
उद्या होणार अंत्यसंस्कार –
गं. भा. जनाताई राघो भोसले यांच्या पश्चात मुलगे, सुना, नातवंडे असा मोठा परिवार आहे. त्यांची अंत्ययात्रा उद्या बुधवार दि. 20 मे रोजी सकाळी 10 वाजता पिंपरखेड ता. भडगाव येथील राहत्या घरातून निघणार असून, त्यानंतर गावातील स्मशानभूमीत अंत्यसंस्कार करण्यात येणार आहेत.
