भडगाव, 21 सप्टेंबर: भडगाव तालुक्यातील अंतुर्ली बुवाची शिवारात बिबट्याने गायच्या वासरावर हल्ला करून फडशा पाडल्याची घटना आज 21 सप्टेंबर रोजी समोर आली आहे. अंतुर्ली बुवाची येथील शेतकरी सुरेश रामकृष्ण पाटील यांच्या गट क्रमांक २४४/१/ब/१ मधील शेतात ही घटना घडली. शेत परिसरात बिबट्याने गायच्या वासरावर हल्ला केला. या हल्ल्यात वासराचा मृत्यू झाला.
घटनेची माहिती मिळताच वनविभागाच्या पथकाने तत्काळ घटनास्थळी भेट देऊन पाहणी केली. वनरक्षक प्रमिला अंभुरे तसेच पाचोरा येथील पीआरटी रेस्क्यू टीमचे मनोज शिंदे यांनी घटनास्थळी पाहणी केली. वनविभागाच्या पथकाने परिसराची पाहणी करून घटनेची माहिती घेतली. यावेळी भातखंडे येथील शेतकरी प्रकाश पाटील, अंतुर्ली येथील शेतकरी हरीश भदाणे, जयवंत पैठणकर, बऱ्हाण पैठणकर, राज बोरसे आधी उपस्थित होते. दरम्यान, शिवारात बिबट्याचा वावर असल्याने शेतकऱ्यांमध्ये भितीचे वातावरण आहे.
हेही वाचा: अत्याधुनिक २०० व्होल्वो बसेस एसटीच्या ताफ्यात – परिवहन मंत्री प्रताप सरनाईक
