ईसा तडवी, प्रतिनिधी
पाचोरा, 14 मार्च : महाराष्ट्र राज्य मराठी पत्रकार संघाचा प्रतिष्टेचा राज्यस्तरीय ‘उत्कृष्ट पत्रकारीता’ पुरस्कार किशोर रायसाकडा यांना जाहीर झाला आहे. राज्य पत्रकार संघाचे राज्यस्तरीय अधिवेशन 2024 दि. 16 मार्च रोजी पिंपरी चिंचवड(पुणे) येथे आयोजित करण्यात आले आहे. दरम्यान या कार्यक्रमात खासदार शरदचंद्र पवार यांचे हस्ते पुरस्काराचे वितरण केले जाणार आहे.
महाराष्ट्र राज्य मराठी पत्रकार संघाच्यावतीने आयोजित केलेल्या या अधिवेशनात राज्य पत्रकार संघाचा प्रतिष्टेचा युद्धवार्ता पुरस्कार, आरोग्य पत्रकारीता पुरस्कार, कृषी पत्रकारिता पुरस्कार, शोध पत्रकारीता पुरस्कार, अभिव्यक्ती पत्रकारीता पुरस्कार हे महाराष्ट्र, गोवा, कर्नाटक, दिल्ली, गुजरात येथील गुणवंत जेष्ट पत्रकारांना खा. शरद पवार यांचे हस्ते वितरीत करण्यात येणार आहे. याबाबतची माहिती संयोजकांनी दिली आहे.
किशोर रायसाकडा यांना याआधीही राज्यस्तरीय उत्कृष्ट संघटक या पुरस्काराने पुण्यात गौरविण्यात आले आहे . “राज्यस्तरीय उत्कृष्ट पत्रकारीता पुरस्कार ” घोषित झाल्याबद्धल रायसाकडा यांचे सर्व स्तरातून अभिनंदन केले जात आहे.
हेही वाचा : भाजपची दुसरी उमेदवार यादी जाहीर, खान्देशात चार खासदारांच्या जागा, कुणाकुणाला मिळाली संधी?
