ईसा तडवी, प्रतिनिधी
पाचोरा, 1 एप्रिल : जळगाव जिल्हा माध्यमिक शिक्षक संघाच्या निर्देशानुसार पाचोरा येथील श्री. गो.से हायस्कूल येथे 29 मार्च (शुक्रवार) रोजी पाचोरा तालुका माध्यमिक शिक्षक संघाची निवडणूक घेण्यात आली. या निवडणुकीत पाचोरा तालुका माध्यमिक शिक्षक संघाच्या अध्यक्षपदी आर.एल.पाटील यांची बिनविरोध तर चिटणीसपदी संदीप पाटील यांची निवड करण्यात आली.
पाचोरा तालुका माध्यमिक शिक्षक संघाच्या निवडणूक –
पाचोरा तालुका माध्यमिक शिक्षक संघाच्या निवडणूकीसाठी पतपेढीचे माजी अध्यक्ष व जिल्ह्याचे जेष्ठ नेते संभाजी पाटील, जिल्ह्याचे जेष्ठ नेते यु.यू. पाटील हे निरीक्षक म्हणून उपस्थित होते. याप्रसंगी पतपेढीचे माजी संचालक व ज्येष्ठ नेते प्रमोद गरुड, माध्यमिक शिक्षक संघाचे विद्यमान अध्यक्ष आर.एल. पाटील, जळगाव जिल्हा माध्यमिक पतपेढीचे संचालक भावेश अहिराव यांच्या प्रमुख उपस्थितीत संपूर्ण कार्यकारिणीची बिनविरोध निवड करण्यात आली. कार्यकारणी निवडीचे सर्वाधिकार प्रमोद गरुड यांना देण्यात आले होते.
यांची झाली निवड –
उपाध्यक्षपदी पी. सी. पाटील (माध्यमिक विद्यालय, कृष्णापुरी), श्रीमती यु.जी.कदम (समाज विकास विद्यालय, शिंदाड), चिटणीसपदी संदीप पाटील (ग्रामविकास विद्यालय, पिंपळगाव हरे.), संघटक चिटणीसपदी रत्नराज साळुंखे (माध्यमिक विद्यालय, साजगाव), क्रीडाचिटणीसपदी एस. के. पाटील (माध्यमिक विद्यालय, खाजोळा),कोषाध्यक्षपदी वीरभूषण सोनवणे (महात्मा फुले हायस्कूल, भोजे) यांची निवड करण्यात आली.
कार्यकारिणीच्या सदस्यपदी सौ.ज्योती ठाकरे (गो.से. हायस्कूल, पाचोरा), श्रीमती सुषमा पाटील (पि.के. शिंदे माध्यमिक विद्यालय, पाचोरा), श्रीमती. मनीषा शिवनारायण जाधव (एस. के. पवार माध्यमिक विद्यालय, नगरदेवळा), यशवंत गांगुर्डे (माध्यमिक विद्यालय, सामनेर),योगेश ठाकूर (एस.के.पवार हायस्कूल, नगरदेवळा), रेहान खान (उर्दू हायस्कूल, पाचोरा), प्रमोद मधुकरराव गरुड (माध्यमिक विद्यालय, खडकदेवळा), रवींद्र गंभीरराव पाटील (तावरे कन्या विद्यालय, पाचोरा), मनोहर नानाभाऊ देसले (गो.से. हायस्कूल, पाचोरा) या सर्वांची बिनविरोध निवड करण्यात आली.
हेही वाचा : एरंडोल येथील मतदार जनजागृती सायकल रॅली, जिल्हाधिकारी आयुष प्रसाद यांचा सहभाग
