ईसा तडवी, प्रतिनिधी
पाचोरा, 3 सप्टेंबर : सिंधुदुर्ग जिल्ह्यातील मालवण तालुक्यातील राजकोट येथे छत्रपती शिवाजी महाराज यांचा पुतळा कोसळल्याची घटना नुकतीच घडली. दरम्यान, या घटनेच्या निषेधार्थ पाचोरा शहरातील छत्रपती शिवाजी महाराज चौकात महाविकास आघाडीकडून महायुती सरकारच्याविरोधात जोडे मारो आंदोलन करण्यात आले. यावेळी सत्ताधारी नेत्यांच्या जोडे मारत सरकारविरोधात जोरदार घोषणाबाजी करण्यात आली.
महायुती सरकारविरोधात जोरदार घोषणाबाजी –
पाचोरा येथील छत्रपती शिवाजी महाराज चौकात मालवण येथील घटनेच्या निषेधार्थ काँग्रेस, शिवसेना उबाठा, राष्ट्रवादी काँग्रेस शरद पवार गट यांच्यावतीने जोरदार आंदोलन करण्यात आले. यावेळी या सरकारचे करायचे काय, खाली डोके वर पाय, महायुती सरकारचा निषेध, आदी घोषणा देण्यात आल्या. यानंतर घटनेच्या निषेधार्थ नायब तहसिलदार कुमावत यांना निवेदन देण्यात आले.
आंदोलनात यांची होती उपस्थिती –
आंदोलनात काँग्रेसचे पाचोरा तालुका अध्यक्ष सचिन सोमवंशी, युवक काँग्रेसचे विधानसभा अध्यक्ष प्रदीप पाटील, कॉग्रेस जिल्हा सरचिटणीस प्रताप पाटील, इरफान मनियार, अल्पसंख्याक तालुका अध्यक्ष इस्माईल तांबोळी, शिवसेना उबाठाचे उपजिल्हाप्रमुख उद्धव मराठे, शेतकरी सेनेचे जिल्हा प्रमुख अरुण पाटील, माजी उपजिल्हा प्रमुख अॅड. अभय पाटील, तालुकाप्रमुख शरद पाटील, माजी शहरप्रमुख भरत खंडेलवाल, शहर प्रमुख अनिल सावंत,अरुण तांबे, ज्ञानेश्वर चौधरी, युवा सेना उपजिल्हाप्रमुख संदीप जैन, पप्पू राजपूत, उपशहर प्रमुख अभिषेक खंडेलवाल, युवा सेना तालुका प्रमुख शशी पाटील, अरुण तांबे, युवा सेना शहरप्रमुख मनोज चौधरी, उपशहर प्रमुख गजानन सावंत, उपशहर प्रमुख पप्पू जाधव, खंडू सोनवणे, बंडू मोरे, ज्ञानेश्वर चौधरी, नामदेव चौधरी, गजू पाटील, प्रशांत पाटील, हरिभाऊ पाटील, राकेश सोनवणे, बबलू भोई, संतोष पाटील, गांगुर्डे धर्मराज पाटील, राजू गायकवाड, राष्ट्रवादी काँग्रेस शरद पवार गटाचे तालुका अध्यक्ष विकास पाटील, विधानसभा प्रमुख नितीन तावडे, शहर अध्यक्ष अजहर खान, आदी उपस्थित होते.
हेही वाचा : खान्देश, मराठवाडा अन् विदर्भात पावसाचा जोर कायम! जळगाव जिल्ह्याचा ‘असा’ आहे आजचा हवामान अंदाज
