सोयगाव (औरंगाबाद) 20 फेब्रुवारी : छत्रपती शिवाजी महाराजांची जयंती काल रविवारी 19 फेब्रुवारीला संपूर्ण देशात उत्साहात साजरा करण्यात आली. औरंगाबाद जिल्ह्यातील सोयगाव तालुक्यातील नांदगाव तांडा इथे जिल्हा परिषद शाळा आणि ग्रामपंचायत येथेही छत्रपती शिवाजी महाराजांची जयंती उत्साहात साजरी करण्यात आली.
कार्यक्रमाच्या सुरुवातीला शाळेत सामूहिकरीत्या राज्यगीत जय जय महाराष्ट्र माझा या गीताचे सादरीकरण करण्यात आले. याप्रसंगी कार्यक्रमात तिडका येथील हनीफ भाऊ वायरमन यांनी छत्रपती शिवाजी महाराज जयंतीनिमित्त महाराजांची प्रतिमा जिल्हा परिषद शाळेस भेट दिली. यावेळी हनीफ भाऊ यांच्या हस्ते छत्रपती शिवाजी महाराज यांच्या प्रतिमेला पुष्पहार घालुन पुजन करण्यात आले. या कार्यक्रमाचे सुत्रसंचालन एस. बी मोरे तर आभार सैंदाणे सर यांनी मानले.
हेही वाचा – लंडनच्या पार्लमेंट स्क्वेअरमध्ये घुमला “जय शिवराय’ नारा, शिवजयंती उत्साहात साजरा, पाहा VIDEO
हे होते उपस्थित –
या कार्यक्रमास केंद्रप्रमुख आणि मुख्यधापक आर. बी. निकोसे सर, सहशिक्षक सैंदाणे सर, ग्रामसेवक एस बी मोरे, सरपंच अरुणाबाई कैलास पवार, उपसरपंच अहमद शेख, सदस्य ऊखा चव्हाण, झावरू पवार, युवराज पवार आणि ग्रामस्त रमेश चव्हाण, गणेश चव्हाण, सुनिल चव्हाण, के. डी. पवार, सदु राठोड, ज्ञानेश्वर राठोड, चंदु चव्हाण, हसराज चव्हाण, अजमल पठान, सिलेमान शेख, एकनाथ जाधव, गणेश राठोड, भारत पवार, शालेय व्यवस्थापन समिती अध्यक्ष, उपाध्यक्ष ग्रामपंचायत कर्मचारी गोपाल पवार, भीमराव सोनवणे, योगेश पवार, तसेच गावातील इतर नागरिक मोठ्या संख्येने उपस्थित होते.
