जळगाव, 22 जून : माजी मंत्री एकनाथ खडसे यांनी त्यांची सून आणि केंद्रीय राज्यमंत्री रक्षा खडसे यांच्यासह काल केंद्रीय गृहमंत्री अमित शहा यांची भेट घेतली होती. दरम्यान, आज जळगावात पोहचताच त्यांनी अमित शहा यांच्यासोबतच्या झालेल्या भेटीवर भाष्य केले.
काय म्हणाले एकनाथ खडसे? –
एकनाथ खडसे यांनी माध्यमांसोबत बोलताना सांगितले की, दिल्लीमध्ये रक्षाताई ह्या केंद्रीय क्रीडा व युवक कल्याण राज्यमंत्री झाल्या. यामुळे अमित शहा यांचे धन्यवाद देण्यासाठी मी त्यांची भेट घेतली. या भेटीत एक औपचारिकता होती. तसेच या भेटीत कुठलीही राजकीय चर्चा झाली नसल्याचेही एकनाथ खडसे यांनी सांगितले.
एकनाथ खडसेंचा भाजपा प्रवेश कधी? –
एकनाथ खडसेंनी यांनी केंद्रीय राज्यमंत्री रक्षा खडसे यांच्यासह गृहमंत्री अमित शहा यांची काल नवी दिल्लीत भेट घेतली होती. दरम्यान, या भेटीनंतर राजकीय चर्चांना उधाण आले होते. एकनाथ खडसे यांचा यानिमित्त भाजपात प्रवेश होणार का? असा प्रश्न देखील उपस्थित केला जात होता. दरम्यान, नाथाभाऊंनी आज माध्यमांसमोर दिलेल्या माहितीमुळे नाथाभाऊ भाजपात नेमकं कधी प्रवेश करतात?, असा प्रश्न कायम आहे.
हेही वाचा : ‘मी हरलो तरी ओबीसींसाठी लढत राहीन!’ मनोज जरांगे यांच्या टीकेला मंत्री छगन भुजबळांचा पलटवार
