जामनेर (जळगाव) : गेल्या अनेक दिवसांपासून राज्यामध्ये गुन्हेगारी वाढल्याचे चित्र दिसत आहे. कौटुंबिक वादातून अनैतिक संबंधातून हत्या, आत्महत्या तसेच बलात्काराच्या घटना समोर येत आहेत. यातच आता जळगाव जिल्ह्यातील जामनेर तालुक्यातून एक धक्कादायक घटना समोर आली आहे. पत्नी आणि मुलीची हत्या करुन पतीने आत्महत्या केल्याच्या घटनेने मोठी खळबळ उडाली आहे.
काय आहे संपूर्ण घटना –
माहेरी राहत असलेली पत्नी आणि 9 महिन्यांच्या मुलीचा खून करत पतीनेही आत्महत्या केली. जळगाव जिल्ह्यातील जामनेर तालुक्यातील देऊळगाव गुजरी येथे काल शुक्रवारी ही घटना समोर आली. विशाल मधुकर झनके (वय-30) असे खून करणाऱ्या आरोपीचे नाव आहे. तर प्रतिभा विशाल झनके (वय-26) आणि दिव्या झनके (वय-9 महिने) असे मृत आई आणि मुलीचे नाव आहे. प्रतिभा इंगळे ही गावाचे पोलीस पाटील राजेंद्र इंगळे यांची पत्नी होती.
याबाबत मिळालेली माहिती अशी की, काही महिन्यांपूर्वी प्रतिभा आणि त्यांचा पती विशाल या दोघांमध्ये किरकोळ वाद झाले होते. त्यामुळे या वादानंतर त्या आपल्या मुलीसह माहेरी राहत होत्या. तर मोठी मुलगी ही त्याच्यासोबत त्याच्या घरी राहत होती. दरम्यान, त्याने मोठी मुलगी प्रिया हिला घरी ठेवले आणि सासरवाडीला गेला. शुक्रवारी घरात कुणीच नसताना संधी साधून आरोपी विशाल झनके याने घरात प्रवेश केला आणि पत्नी तसेच आपल्या पोटच्या मुलीची हत्या केली. यानंतर घटनास्थळावरुन पळ काढला आणि जांबूळधाबा शिवारात विहिरीत पायला दगड बांधून उडी घेत आत्महत्या केली.
आगीच्या घटनेत 60 हजारांची रक्कम राख, घरही जळाले, कुटुंब उघड्यावर, पारोळा तालुक्यातील धक्कादायक घटना
दरम्यान, या घटनेची माहिती मिळताच, पाचोरा विभागीय पोलीस अधिकारी धनंजय येरुळे, सहायक पोलीस निरीक्षक गणेश फड, सहायक फौजदार अनिल सुरवाडे, प्रवीण चौधरी आदी. यांनी घटनास्थळी पोहोचून पंचनामा केला. याप्रकरणी पोलीस पुढील तपास करत आहे. या अत्यंत धक्कादायक घटनेमुळे परिसरात शोककळा पसरली आहे.
