चोपडा, 1 फेब्रुवारी : चोपडा येथे भारतीय जनता पार्टी तर्फे गाव चलो अभियान मोहिमेची कार्यशाळा पार पडली. तसेच यावेळी शहर व ग्रामीण नवनियुक्त पदाधिकाऱ्यांचा सत्कार समारंभ करण्यात आला. कार्यक्रमाची सुरुवात भारत माता यांचे प्रतिमा पूजन करुन, छत्रपती शिवाजी महाराज व पंडीत दीनदयाळ उपाध्याय यांचा प्रतिमेला पुष्पहार अर्पण करून अभिवादन करण्यात आले.
कार्यक्रमात चोपडा तालुक्यातील भारतीय जनता पार्टी शहर व ग्रामीण चोपडा मंडलच्या वतीने नवनियुक्त पदाधिकाऱ्यांना नियुक्ती पत्र दिले, विविध आघाडी सेल, युवा मोर्चाच्या पदाधिकाऱ्यांना शाल व पुष्पगुच्छ देऊन सत्कार करण्यात आला. या कार्यक्रमास तालुक्यातील जेष्ठ नेते युवराज शहा व तिलक शाह विशेष आमंत्रित होते.
यावेळी चंद्रशेखर पाटील (भाजप तालुकाध्यक्ष ग्रामीण) यांनी मनोगत व्यक्त केले. गाव चलो अभियान संदर्भात विविध माहीती देऊन प्रवासी कार्यकर्त्यांना मार्गदर्शन केले. तसेच जेष्ठ नेते आत्माराम भाऊ माळके यांनी कार्यकर्ते यांना विजयाचा मंत्र दिला. हिरा भाऊ चौधरी हे चोपडा तालुका निरीक्षक म्हणून उपस्थित होते.
तसेच प्रदेश उपाध्यक्ष ओबीसी मोर्चाचे प्रदेशाध्यक्ष हर्षल भाऊ पाटील, रावेर लोकसभेचे विस्तारक विलास, यावल तालुका सरचिटणीस उज्जैन राजपूत, चोपडा विधानसभा क्षेत्र प्रमुख गोविंदराव रतन सैंदाणे, चोपडा मंडळ ग्रामीण अध्यक्ष चंद्रशेखर युवराज पाटील, चोपडा शहाराध्यक्ष नरेंद्र पाटील, यांच्यासह जिल्हा पदाधिकारी तसेच भारतीय जनता पार्टी तालुका व शहर पदाधिकारी, युवा मोर्चा शहर व ग्रामीण विविध आघाडी सेल, सर्व सुपर वॉरियर सर्व बूथ प्रमुख निवासी/प्रवासी कार्यकर्ते उपस्थित होते.
हेही वाचा : Budjet 2024 : केंद्र सरकारच्या अंतरिम अर्थसंकल्पातून कोणाला काय मिळाले? वाचा सविस्तर माहिती
