कोल्हापूर, 5 ऑगस्ट : राज्यात गुन्हेगारीच्या घटनांमध्ये वाढ होत असताना कोल्हापुरातून धक्कादायक घटना समोर आली आहे. सुटीवर आलेल्या जवानाला पत्नी व प्रियकराने झोपतच हातपाय बांधून विष पाजले. दरम्यान, 15 दिवसांपासून या जवानावर उपचार सुरू होते. मात्र, त्याची मृत्यूशी सुरू असलेली झुंज अखेर अपयशी ठरल्याने त्याचा मृत्यू झाला. अमर देसाई असे मृत्यू झालेल्या जवानाचे नाव आहे. याप्रकरणी पत्नी व प्रियकरावर गुन्हा दाखल करण्यात आला आहे.
नेमकं काय घडलं? –
मिळालेल्या माहितीनुसार, कोल्हापुरातील जवान अमर देसाई यांच्यावर 18 जुलै रोजी झोपेत असताना विषप्रयोग झाला होता. झोपत असतानाच पत्नीनेच आपल्या प्रियकाराला सोबत घेऊन त्यांचे हात-पाय बांधून जवान अमर देसाई यांना विष पाजले होते. या घटनेची माहिती शेजारच्यांना समजली असता शेजाऱ्यांनी घटनास्थळी धाव घेत घराचा दरवाजा तोडला आणि त्यांना थेट रुग्णालयात दाखल केले.
पत्नी व तिच्या प्रियकराने घात केला –
गेल्या पंधरा दिवसापासून जवान अमर देसाई यांच्यावर पुण्याच्या रुग्णालयात उपचार चालू होते. मात्र, त्यांची मृत्यूशी सुरू असलेली झुंज अखेर अपयशी ठरल्याने त्याचा मृत्यू झाला. दरम्यान, या घटेनंतर विषप्रयोग करणाऱ्या पत्नीच्या साथीदारांचा शोध चालू करण्यात आला होता. याप्रकरणी पत्नी व प्रियकरावर गुन्हा दाखल करण्यात आला असून पोलीस पुढील तपास करत आहे. दरम्यान, अमर देसाई हे लष्करात जम्मू काश्मीरमध्ये सेवा बजावत होते, अशी माहिती देखील समोर आली आहे.
हेही वाचा : धक्कादायक! मुसळधार पावसामुळे मंदिराची भिंत कोसळली; 9 मुलांचा दुर्दैवी मृत्यू
