जळगाव, 6 जून: विधानरपषिदेसाठी जळगाव स्थानिक स्वराज्य संस्था मतदारसंघात महायुतीत बंडखोरी झाली असून लढतीची चुरस वाढल्याचे दिसून येत आहे. या पार्श्वभूमीवर जळगावात झालेल्या बंडखोरीवर मंत्री गुलाबराव पाटील काय बोलणार याकडे लक्ष लागले असताना त्यांनी त्यांच्या वाढदिवसानिमित्त आयोजित कार्यक्रमात याबाबत वक्तव्य केलंय.
जळगावातील बंडखोरीवर मंत्री गुलाबराव पाटील यांचं वक्तव्य –
वाढदिवसानिमित्त पाळधीत आयोजित कार्यक्रमात पालकमंत्री गुलाबराव पाटील म्हणाले की, “जळगावच्या बंडखोरीवर मी काय बोलणार याकडे सर्वांचे लक्ष लागले आहे. मात्र, माझा बॉस ठाण्यात बसला आहे, तो जे बोलेल तेच होईल.” दरम्यान, आपल्या मुलाला (प्रताप पाटील) तिकीट न मिळाल्याबाबत बोलताना ते थोडे भावूक झाले, पण “नशिबात असेल तर नक्की मिळेल,” असे म्हणत त्यांनी कार्यकर्त्यांना भगवा विचार न सोडण्याचे आवाहन केले.
View this post on Instagram
‘बाप बाप होता है!’ –
“केस बसविण्याचा सल्ला आमदार चंदु अण्णांनी दिला. आणि केस बसवली तर प्रतापला काही संधी नाही असा सल्ला किशोर आप्पांनी दिला. पण माझं आय लव्ह यू झाल्याने मी कुणाचं ऐकायचं. दरम्यान, आता मी 58 वर्ष वय पुर्ण केलंय. साधरणतः 60 वर्षानंतर जेष्ठ व्यक्ती म्हटलं जातं. यामुळे मी अजून रिटायर्ड झालेलो नसून बाप बाप होता है,” असेही मंत्री गुलाबराव पाटील म्हणाले.
वाढदिवसाच्या कार्यक्रमात डॉ. श्रीकांत शिंदे यांची उपस्थिती –
पालकमंत्री गुलाबराव पाटील यांच्या वाढदिवसानिमित्त काल 6 जून रोजी जिल्ह्यात विविध कार्यक्रम पार पडले. यानंतर सायंकाळी पाळधीत वाढदिवसानिमित्त सभा आयोजित करण्यात आली होती. खासदार डॉ. श्रीकांत शिंदे यांनी या सोहळ्याला उपस्थित राहत शुभेच्छा दिल्या. तसेच गुलाबभाऊंच्या ‘पानटपरी चालक ते कॅबिनेट मंत्री’ या संघर्षमय प्रवासाचे डॉ. शिंदे यांनी कौतुक केले. याप्रसंगी आमदार किशोर आप्पा पाटील, आमदार चंद्रकांत सोनवणे, माजी खासदार उन्मेश पाटील यांच्यासह शिवसेनेचे पदाधिकारी-कार्यकर्ते, ग्रामस्थ उपस्थित होते.
