ईसा तडवी, प्रतिनिधी
पिंपळगाव (हरे.), पाचोरा, 1 सप्टेंबर : पिंपळगाव हरेश्वर पोलीस स्टेशन हद्दीत असलेल्या शिंदाड गावाजवळ गहुले शिवारात शेताच्या बांधावर हातभट्टी दारूवर धाड टाकण्यात आली. दरम्यान, आरोपींकडून एकूण 21 हजार रुपये किमतीची 600 लिटर गावठी हातभट्टी दारू रसायन मिळून आल्याने कच्चे रसायन जागेवरच नष्ट करण्यात आले आहे.
पोलिसांचे गावठी हातभट्टीवर धाड सत्र –
तसेच पिंपळगाव हरेश्वर गावी ढाकलेगाव शिवारात हातभट्टी दारूवर धाडसत्र राबवून एकूण 28 हजार 250 रूपये किमतीची त्यांपैकी 600 लिटर कच्चे रसायन 3 ड्रम मध्ये भरलेले व 100 लि पक्के रसायन 02 टाकीत भरलेले व 20 लिटर गावठी हातभट्टीची तयार दारू असे मिळून आल्याने इसम नामे अशोक तडवी राहणार शिंदाड व सरोज तडवी राहणार पिंपळगांव यांचेविरुद्ध महाराष्ट्र दारूबंदी अधिनियम कलम 65(f) (b)( c)(e) नुसार गुन्हे दाखल करण्यात आले.
यांनी केली कारवाई –
सदर ही कारवाई सहाय्यक पोलीस निरीक्षक प्रकाश काळे, पोलीस उपनिरीक्षक अमोल पवार, पोहेकॉ किरण ब्रम्हणे, राहुल बेहरे, पोकॉ प्रशांत पाटील, अभिजित निकम, अमोल पाटील यांनी केली. दरम्यान, गावठी हातभट्टी दारूविरोधात कारवाई सत्र राबविण्यात आल्याने परिसरात अवैध धंदे करणाऱ्या लोकांमध्ये धडकी भरली असून पोलिसांनी कारवाईत सातत्य कायम राखावे अशी अपेक्षा परिसरातील ग्रामस्थांनी व्यक्त केली.
हेही वाचा : राज्यात आजपासून मुसळधार पाऊस, या भागात ‘रेड अलर्ट’, जळगाव जिल्ह्याचा असा आहे हवामान अंदाज
