ईसा तडवी, प्रतिनिधी
पाचोरा, 1 नोव्हेंबर : पाचोरा येथे शिवसेनेचे मध्यवर्ती कार्यालय उभारण्यात आले असून आमदार किशोर आप्पा पाटील यांच्या वाढदिवसानिमित्त त्या कार्यालयाचे आज थाटात उद्घाटन करण्यात आले. यावेळी पाचोरा-भडगाव तालुक्यातील जनतेने आमदार किशोर आप्पा पाटील यांना मोठ्या प्रमाणात वाढदिवसानिमित्त शुभेच्छा दिल्या.
शिवालय’ कार्यालयाचे उद्घाटन –
शिवसेना मध्यवर्ती कार्यालयाचे उद्घाटन झाल्यानंतर आमदार किशोर आप्पा पाटील यांनी वाढदिवसानिमित्त आलेल्या लोकांचे आभार मानले. यावेळी ते म्हणाले की, सर्वप्रथम मी दीपावलीच्या सर्वांना हार्दिक शुभेच्छा देतो. त्यांच्या जीवनात अशाचप्रकारे दीपाप्रमाणे उजेड येऊ दे …. सर्वांचे आयुष्य प्रकाशमय राहू दे…अशी परमेश्वरचरणी प्रार्थना करतो. आणि आज सुंदर अशा कार्यालयाचे म्हणजेच शिवालय असे माझे हे संपर्क कार्यालय सुरू झाले आहे. दरम्यान, आजपासून माझे भेटण्याचे कार्यालय हे शिवालय असून ज्यांना भेटायचे आहे, त्यांनी या कार्यालयात येऊन मला भेटावे, असे आवाहन आमदार किशोर आप्पा पाटील यांनी यावेळी केले.
कार्यकर्त्यांनी केला अनोखा सन्मान –
आमदार किशोर पाटील यांच्या वाढदिवसानिमित्त आज शिवालय या नवीन कार्यालयावर पदाधिकारी, कार्यकर्त्यांनी आमदार किशोर आप्पा पाटील यांच्यावर शुभेच्छांचा वर्षाव केला. तसेच काही कार्यकर्त्यांनी आमदार किशोर आप्पा पाटील यांचा पालकमंत्री व राज्यमंत्री अशा उपाधी असलेल्या पाट्या देऊन अनोखा सन्मान केला.
हेही वाचा : ‘…म्हणून ‘त्या’ उमेदवाराला पोलिसांनी संरक्षण दिले’, आमदार किशोर आप्पा पाटील यांचे विरोधकांना प्रत्युत्तर
