चंद्रकांत दुसाने, विशेष प्रतिनिधी
मुंबई, 3 मे : लोकसभा निवडणुकीसाठी महाविकास आघाडीमधील जागावाटपात काँग्रेस, शिवसेना (ठाकरे गट), राष्ट्रवादी काँग्रेस (शरद पवार गट) या तीन पक्षात गेल्या दोन महिन्यांपासून जोरदार रस्सीखेच होती. अखेर, हा जागावाटपाचा तिढा सुटला असून महाविकास आघाडीचा अंतिम फॉर्म्युला निश्चित झाला. यानिमित्ताने सविस्तर माहिती जाणून घेऊयात.
महाविकास आघाडीचा जागावाटपाचा फॉर्म्युला –
लोकसभा निवडणुकीसाठी महाविकास आघाडीच्या फॉर्म्युल्यानुसार सर्वाधिक शिवसेना उद्धव बाळासाहेब ठाकरे पक्षाला 21, काँग्रेस 17 व राष्ट्रवादी काँग्रेस पार्टी शरदचंद्र पवार पक्षाला 10 जागा वाटेला आल्या आहेत. या जागांवरील उमेदवारांची नावे जाहीर करण्यात आली आहेत. ते खालीलप्रमाणे.
कोकणातील महायुतीचे उमेदवार –
मुंबई उत्तर, मुंबई उत्तर पश्चिम, मुंबई उत्तर पुर्व, मुंबई उत्तर मध्य, मुंबई-दक्षिण, मुंबई-दक्षिण मध्य, भिवंडी, कल्याण, ठाणे, पालघर, रत्नागिरी-सिंधुदुर्ग आणि रायगड अशा एकूण लोकसभेच्या 12 जागा कोकणात येतात. महाविकास आघाडीचा फॉर्म्युला ठरत असताना तिनही पक्षांनी दावा सांगितल्याने सर्वात महत्वाचा तिढा कोकणात निर्माण झाला होता. मात्र, अखेरीस तो तिढा सुटून ठाकरेंच्या शिवसेनेला 9, काँग्रेसला 2 तर शरद पवार गटाला 1 जागा मिळाली आहे.
उत्तर महाराष्ट्रातील महायुतीचे उमेदवार –
उत्तर महाराष्ट्रात नाशिक, दिंडोरी, अहमदनगर, शिर्डी, जळगाव, रावेर, धुळे, नंदुरबार अशा एकूण 8 लोकसभा मतदारसंघांचा समावेश होतो. उत्तर महाराष्ट्रात ठाकरेंच्या शिवसेनेला 3 जागा, शरद पवार गटाला 3 तर काँग्रेसला 2 जागा मिळाल्या आहेत.
पश्चिम महाराष्ट्रातील महायुतीचे उमेदवार –
पश्चिम महाराष्ट्रात पुणे, बारामती, शिरूर, मावळ, कोल्हापूर, सांगली, सातारा, सोलापूर, हातकणंगले आणि माढा अशा एकूण 10 लोकसभा मतदारसंघांचा समावेश आहे. यामध्ये शरद पवार गटाला 4, ठाकरेंच्या शिवसेनेला 3 तर काँग्रेस 3 जागांवर निवडणूक लढवत आहे. पश्चिम महाराष्ट्रात सर्वाधिक जागा शरद पवार गटाला मिळाल्या आहेत.
मराठवाड्यातील महायुतीचे उमेदवार –
छत्रपती संभाजीनगर, परभणी, बीड, जालना, नांदेड, धाराशीव, हिंगोली आणि लातूर अशा एकूण 8 लोकसभा मतदारसंघाचा समावेश मराठवाड्यात आहे. दरम्यान, मराठवाड्यात भाजपला 4, ठाकरेंच्या शिवसेनेला 4, काँग्रेसला 3 जागा तर शरद पवार पवार गटाला 1 इतक्या जागा मिळाल्या आहेत.
विदर्भातील महायुतीचे उमेदवार –
नागपूर, अमरावती, रामटेक, अकोला, बुलढाणा, गडचिरोली-चिमूर, गोंदिया-भंडारा, वर्धा, यवतमाळ-वाशिम आणि चंद्रपूर असा एकूण 10 लोकसभा मतदारसंघांचा समावेश आहे. विदर्भात सर्वाधिक काँग्रेसला 7, ठाकरेंच्या शिवसेनेला 2 तर शरद पवार गटाला 1 जागा मिळाली आहे. विदर्भात सर्वाधिक 7 जागा काँग्रेस लढवत असून भाजपला जोरदार आव्हान देण्याचे काम काँग्रेसकडून होत आहे.
हेही वाचा : महायुतीचे जागावाटप फायनल! कोणत्या मतदारसंघातून कोण लढतंय? वाचा, एका क्लिकवर
