जळगाव, जानेवारी : जळगावात 20 जानेवारी रोजी जिल्हास्तरीय महिला लोकशाही दिनाचे आयोजन करण्यात आले आहे. जळगावचे जिल्हाधिकारी आयुष प्रसाद यांच्या दालनात सकाळी 11 वाजता ह्या महिला लोकशाही दिनाचे आयोजन करण्यात आल्याची माहिती महिला व बालविकास अधिकारी रफिक हुरमत रुबाब तडवी यांनी दिली आहे.
महिला लोकशाही दिनाचे आयोजन –
समस्याग्रस्त व पिडीत महिलांचे प्रश्न मांडण्यासाठी व्यासपीठ मिळावे. तसेच त्यांच्या हक्काचे संरक्षण होवून त्यांना न्याय मिळावा. या दृष्टीने महिलांच्या तक्रारी, अडचणी यांची शासकीय यंत्रणेकडून सोडवणूक करण्यासाठी व समाजातील पिडीत महिलांना मार्गदर्शनाची सुविधा उपलब्ध व्हावी. यासाठी एक प्रभावी उपाययोजना म्हणून महिला लोकशाही दिन जिल्हा स्तरावर दर महिन्याच्या तिसऱ्या सोमवारी राबविण्यात येतो.
उपस्थित राहण्याचे आवाहन –
या अनुषंगाने येत्या 20 जानेवारी रोजी महिला लोकशाही दिनाचे आयोजन करण्यात आले आहे. तरी सर्व गरजू महिलांनी वेळेत जिल्हाधिकारी यांच्या दालनात उपस्थित राहण्याचे आवाहन माहिती महिला व बालविकास अधिकारी रफिक हुरमत रुबाब तडवी यांनी केले आहे.
