ईसा तडवी, प्रतिनिधी
पाचोरा, 24 ऑगस्ट : बदलपूर मुलींवर झालेल्या अत्याचाराविरोधात महाविकास आघाडीकडून आज महाराष्ट्र बंदची हाक देण्यात आली होती. मात्र, महाविकास आघाडीच्या या महाराष्ट्र बंदच्या हाकविरोधात हायकोर्टात याचिका दाखल करण्यात आली. या पार्श्वभूमीवर राज्यात अशापद्धतीने बंद पुकारणे हे अवैध असल्याचे हायकोर्टाने सांगितलं. दरम्यान, महाविकास आघाडीने हा बंद मागे घेत आज राज्यात निषेध आंदोलन करण्यात केले. या पार्श्वभूमीवर मविआच्यावतीने पाचोऱ्यात देखील निषेध आंदोलन करण्यात आले.
पाचोऱ्यात बदलापूर घटनेच्या निषेधार्थ आंदोलन –
बदलापूर घटनेच्या निषेधार्थ शहरात काँग्रेससह शिवसेना उबाठा यांनी भर पावसात काळ्या फिती लावून आंदोलन केले आहे. महाविकास आघाडीने महाराष्ट्र बंदची हाक दिली होती. मात्र, उच्च न्यायालयाच्या निर्देशाप्रमाणे महाराष्ट्र बंदची हाक मागे घेण्यात आली. म्हणून बदलापूर घटनेच्या निषेधार्थ याकडे सरकारने लक्ष वेधले पाहिजे, म्हणून सरकारच्या कृतीचा निषेध म्हणून एक दिवसाचा काळ्या फिती लावून निषेध आंदोलन करण्यात आले.
तोंडाला काळ्या फिती लावून काळे झेंडे हातात घेत भर पावसात आंदोलन –
शहरातील छत्रपती शिवाजी महाराज चौकात काँग्रेस तालुका अध्यक्ष सचिन सोमवंशी व शिवसेना उबाठा नेत्या वैशालीताई सूर्यवंशी यांच्या नेतृत्वाखाली भर पावसात काँग्रेससह शिवसेना उबाठा पदाधिकारी व कार्यकर्ते यांनी तोंडाला काळ्या फिती लावून काळे झेंडे हातात घेऊन महायुती सरकारचा निषेध नोंदवला. यावेळी खूप मोठ्या प्रमाणावर पाउस सुरु असतांना यावेळी दोन्ही पक्षाचे पदाधिकारी व कार्यकर्ते भरपावसात आंदोलनात सहभागी झाले होते.
यांची होती उपस्थिती –
या आंदोलनाला शिवसेना उबाठा संपर्क प्रमुख सुनील पाटील, काँग्रेस शहर अध्यक्ष अॅड. अमजद पठाण, शेख इस्माईल शेख फकीरा, प्रदीप पाटील, इरफान मनियार, महिला जिल्हा उपाध्यक्षा संगिता नेवे, कल्पेश येवले, रविंद्र पाटील, प्रकाश सोनवणे, संदीप कोळी शिवसेना उबाठाचे उपजिल्हा प्रमुख उध्दव मराठे, अॅड. अभय पाटील, तालुका प्रमुख शरद पाटील, शहर प्रमुख अनिल सांवत, अॅड. दिपक पाटील, भरत खंडेलवाल, विकास वाघ, खंडु सोनवणे, मनोज चौधरी, संदीप जैन, हरी पाटील, राकेश सोनवणे, अभिषेक खंडेलवाल, गजु पाटील, आवेश खाटीक, गजु सावंत, शशिकांत पाटील, नितीन खेडकर, आदी उपस्थित होते.
हेही वाचा : “महाराष्ट्र बंद नाही; पण, मविआकडून आज…..”, हायकोर्टाच्या निकालनंतर कुठे-काय घडतंय, वाचा एका क्लिकवर
